拍《樹大招風》小齊無收片酬！　家棟話送獎

「第三十六屆香港電影金像獎頒獎典禮」圓滿結束，電影《樹大招風》成為大贏家，共獲5個大獎，包括「最佳電影」、「最佳男主角」、「最佳導演」、「最佳編劇」和「最佳剪接」。

同樣有份角逐影帝的任賢齊雖輸給同戲的林家棟，但他不會覺得失落，會繼續努力，又說今次無收片酬，笑指只有杜琪峰找他演壞人，每次都不是演靚仔角色，尤其拍攝《樹》期間又正值跨年演唱會，造型師要為光頭的他設計帽和皇冠遮掩。小齊又希望像曾志偉一樣以行動支持新人新導演，笑謂要好好栽培兒子，就算自己做不到都希望囝囝能做到。

講到任賢齊指替《樹》拍攝時沒有收片酬，家棟笑說：「我有收，點解他咁蠢，不過都講明只有車馬費，而且我和導演認識多年，他們搵我唔通唔接咩，希望有機會和小齊小春再合作，或者我們三個可試試拍喜劇。（小齊想借你個獎？）醒給他又如何，我都已經有紀錄。」