42歲車婉婉誕8.9磅巨B仔：個身好長

42歲的車婉婉日前28號已榮升媽咪，誕下8.9磅巨B仔，今日愚人節公佈喜訊，孖埋老公澳籍老公Johnathan抱實囝囝，分享喜悅。

新手媽媽車婉婉多謝大家的支持及關心，透露B仔身體好長，選擇自然分娩的她，直言是艱鉅的過程，亦尊敬各位媽媽。車婉婉分享：「母子平安，已返咗屋企，好想多謝醫護人員對我們的照顧，同埋朋友、親友，一路咁愛錫我。我的支持者喺唔同渠道上面發很多訊息，好關心我，話畀我聽要食咩，或者點樣好啲。多謝大家嘅祝福！」