騎住黃浩然做男一　洪永城成口爛牙好嚇人

洪永城（Tony）自從2014年頂替患怪病入院的黃浩然，於無線劇《張保仔》首次當男一後，翌年再頂替吳卓羲演《實習天使》再做男一，雖然星途未有因而創高峯，但卻繼續獲賞識，於新劇《我瞞結婚了》更騎住黃浩然，夥拍「螢幕情侶」黃翠如，但上周開播平均只得20.8點收視，不過二人除了咀嘴戲外，未有引起太多話題；反而「鷲哥」邪歸正做搞笑戲，同45歲的樊亦敏點做32歲的傅嘉莉等，更能成為網民熱論。

有網民讚話Tony同翠如好有CP感，但在戲中反而覺得翠如同黃浩然更有新鮮感，不過都有讚Tony今劇比起《張保仔》演技好咗，個樣都好咗！平時四四正正睇Tony今集的造型確實不錯，可惜前日一場Tony被傅嘉莉咬傷完隻手，翠如BB幫他捽傷口時，他痛得劈大個口，無論正面或側面，都好礙眼地現出黑色的臼齒，可能係飳牙，又可能係用銀粉補過的牙久了變黑，無論如何，現今都是高清年代了，真的不太雅觀，Tony是否要處理這方面儀容呢？