相識15年男人的浪漫　柏豪袁偉豪跑步Keep fit

「人生有個真正朋友的確好極！」袁偉豪、周柏豪原來不經不覺相識15年，繼7年前齊齊合作演舞台劇後，近排二人再度演出TVB新劇《使徒行者2》。兩位好友仲分享2010年及今年的合照，巧妙地二人由有瀏海，「進化」到齊齊All Back。周柏豪仲留言：「想不到七年後能再次合作，這五個月經歷很多學到很多，而我也太喜歡這一位朋友了 」。

雖然日前《使》劇已煞拜，不過今早袁偉豪、周柏豪再聚頭，無懼外面微微細雨，晨早去跑步，享受「男人的浪漫」。熱愛街跑的袁偉豪知道好友下月開騷，便相約keep fit 。邊跑邊拍片時，周柏豪爆「掛住你吖」，搞到袁偉豪都忍唔住笑，好彩周柏豪已為人夫，唔係就被人笑你HeHe啦。