Kay幾時生得？許廷鏗孖3個大肚婆開餐變7人大合照

謝安琪（Kay）佗第二胎盛傳前日生得，老公張繼聰當日就在社交平台報料，話老婆這刻仍優雅地在家行來行去；今日，許廷鏗（Alfred）亦貼上跟3個大肚婆：Kay，吳若希（Jinny）和化妝師的全身合照，留言：「好驚人的7人合照」！Alfred仲Hashtag「#呢個局都算經典 #幾位臨盤在即都難得約到出黎食飯 #下次見應該大家肚子都會細返一個碼 #祝大家都順順利利 #係一定順順利利 #加油啊媽媽兵團 #做人媽媽不容易」。

3位孕婦當中，Kay最識得遮掩孕肚，Jinny同化妝師都穿白衣挺著巨肚，Kay就梳了兩條鬢辮，一身黑衣裙仲著厚底靴，縮在被男友形容為肥美的Jinny身後，唔知仲以為得兩個大肚婆咋！有網民就問：「Kay幾時生得？我哋仲緊張過佢」，又係喎！