的哥反鎖內地客爆粗恐嚇屈錢：「臭X！唔畀玩X殘你！」小童受驚號哭 最終咁甩身｜Juicy叮

通關後內地來港旅客急增，網絡近日瘋傳一段本港的士司機，反鎖內地客爆粗恐嚇屈錢的影片，引發熱議，該司機竟為濫收車資，不惜反鎖車門，又語帶恐嚇：「唔畀，我就搞到你！」「玩X殘你！」期間內地客身邊小童受驚號哭。

的哥反鎖內地客爆粗恐嚇屈錢 旅客最終咁至甩身｜點擊即睇↓↓↓↓

片段由內地客拍攝，她們原定到港珠澳大橋香港站口岸，據內地客表示，上車後司機報價四百多元。

 

她們商量後認為太貴，決定落實，司機這時態度轉差。

 

司機在影片開頭大喊：「去到就畀錢㗎啦！」

 

內地客希望現在落車，取消去港珠澳大橋，「我哋唔啱（價錢）可以落車㗎嘛。」

 

司機即怒說：「咁你咪落囉，我又唔係唔畀你哋落！」

 

司機態度越來越差：「喂，你幾廿蚊啫，小姐，你唔好玩啦。」

 

內地客即反駁指其報價四百多元太貴，「成百蚊坐完成個廣州啦。」

 

司機即大喊：「你咪唔好嚟(香港)囉。」

 

司機並謂：「你X臭！走啦落車啦，畀錢呀！」這時內地客按咪錶付款，但的士司機表示不足夠。

 

根據影片顯示，咪錶顯示$27，但司機卻說：「唔夠喎，$56喎。」

 

司機表示：「行李費呢！你後面有行李。」雖然一件行李加埋，都只是$33元，但司機開價$56。

 

內地客即時問:「你依家收埋小費？」

 

但司機未有解釋，只大喊：「你唔畀就即報警，行李費唔使收呀。」

 

內地客聞言即要求司機報警。

 

這時司機大聲喊「我報你老X呀！」「你畀唔畀呀」，「你唔畀我就搞到你……」

 

內地客聞言仍據理力爭:「你睇吓我地返唔返到大陸。」

 

這時傳來小童驚嚇叫媽媽的聲音，一名內地客加以安慰表示「唔使驚」。

 

司機繼續催促付車資，但未有報警。

 

這時坐在前座的內地客展示該司機行車證。另一名內地客繼續爭拗：「警察叫我畀幾多錢，我就畀幾多錢。」

 

內地客指該司機作勢欲打前座乘客，但影片未有拍到。

 

由於咪錶顯示為28.9元，於是內地客拿了30元給司機。

 

司機仍表示不足夠

 

這時司機按了咪錶一下，金額即上跳至34.9元。

 

這時再傳來小童哭叫聲，內地客即安慰「唔好驚」。

 

司機這時走出車外，但將內地客反鎖車上。

 

司機並向路人大聲「唱衰」車內內地客

 

司機大喊：「去港珠澳2百蚊嫌貴喎！」

 

內地客即反駁：「你剛才說要4百幾，依家又變左2百幾?」

 

司機大喊：「你問吓全香港人，去港珠澳使唔使三百幾、四百呀！有錯咩！」

 

司機並將頭伸向後座大喊:「畀唔畀錢！」

 

這時再傳來小童哭聲

 

前座內地客只好拿出一百元付款

 

內地客表示為了不嚇倒同行小童，因此決定付款，但司機一直遲遲不收，並繼續以粗口指罵他們。

 

司機罵內地客「垃圾，你老X臭X呀」。

 

司機又威脅表示會將車CAM片放上網，「玩X殘你！」「你地一定會紅！」

 

司機這時終於收錢

 

但他未有即時找贖

 

內地客這時表示「我問香港朋友點報警」

 

司機這時即罵「話香港臭，行李唔畀」，但終願開車門。

 

這時見到的士車門打開，但內地客要求找贖，司機未有理會。

 

車內小童這時即時走出車外，陪伴成人即叫「唔使急」。

 

司機這時繼續走出車外以粗口狂罵

 

影片看到小童下車

 

司機則繼續向路人唱衰該批內地客

 

影片看到內地客提取行李

 

清晰見到只有一件行李，收費應只為6元。

 

這時內地客再大聲要求司機找錢

 

司機上回車內

 

突然將找贖丟出車外

 

碎銀散在地上

 

內地客即批評該司機離譜

 

但司機未有理會開車揚長而去

 

影片全長逾6分鐘，由內地客拍攝，該批內地客一行四人，包括兩名成人及兩名小童，他們截的士想去港珠澳大橋香港口岸，但司機竟沒有按錶收費，上車後要求一口價400元。

面對內地客批評車費無按錶收費，而且高得不合理，司機大喊：「你問吓全香港人，去港珠澳使唔使三百幾、四百呀！有錯咩！」

其後內地客取消去港珠澳大橋，要求落車，片中的士咪錶顯示車費為$27，但司機表示要收$56，內地客只有一件行李，按法例只須加$6，但司機表示，$27以外的行李費「唔使畀呀」，換言之仍想多收$22。

司機：你係咪唔畀！唔畀我搞到你……

當內地客據理力爭時，司機不斷爆粗，期間語帶恐嚇：「你畀唔畀呀！」「你係咪唔畀！唔畀我搞到你……」內地客亦厲聲表示：「我就睇吓你點搞到我返唔到大陸！」

當內地客表示要報警，司機亦表示無懼，「你咪報警囉。」

反銷車門仍想多收$3.8

司機其後停車並將車門反鎖，不斷向路人喪罵車上內地客「唔畀錢」，此時，他將車資降低，改口稱車費要$36.8，以$27元加$6行李費仍然多收$3.8。

內地客最後有付款，但司機竟將找贖全部掉在車外地上，便開車揚長而去。

網民強烈批評的士司機濫收車資，影響香港旅遊之都的形象，以恐嚇語氣亦涉嫌觸犯法例。

本港法例規定，的士司機必須按錶收費，乘客則可要求的士司機提供機印車資收據，該收據上必須印有的士的車牌號碼及車資等資料。如有需要，乘客亦可以記下的士司機證的資料，以便日後舉報之用。

根據第374D章 《道路交通(公共服務車輛)規例》第47(2)條，任何的士之登記車主或司機所收取之的士租用費，不得超過附表5指明的適當收費率，一經定罪，最高刑罰為監禁6個月及罰款10,000元。

同場加映：東涌低胸喱士艷匪發「斬人預告」 商場偷竊被擒狂兇人 細思極恐對話曝光↓↓↓↓

東涌一個大型商場最近發生一宗偷竊事件，竊匪是一名著性感低胸喱士的女子，她在商場偷竊被路人制服後，向仗義市民發「斬人預告」，該市民其後將「細思極恐」的對話po上網，引發網民熱議。

低胸喱士艷匪發「斬人預告」 細思極恐對話曝光｜點擊即睇↓↓↓↓

東涌一個大型商場最近發生一宗偷竊事件，竊匪是一名著性感低胸喱士的女子，她在商場偷竊被路人制服後，向仗義市民發「斬人預告」，該市民其後將「細思極恐」的對話po上網，引發網民熱議。

 

東涌一個大型商場上周發生一宗偷竊事件。

 

竊匪是一名著性感低胸喱士的女子，她在商場偷竊被一名女途人制服。

 

女竊匪被擒時，只著低胸喱士性感內衣，她被一名女途人捉實。

 

女竊匪被擒後，竟向女途人發「斬人預告」。

 

該女途人與朋友的對話截圖其後在網上曝光，內容被網民指有「細思極恐」處，引發熱議。

 

幫實捉實女竊匪的女途人，其後將捉賊全過程，和朋友分享。

 

「佢話佢會認住我~仲恐嚇我，話出返嚟會斬我～～」

 

「但係佢唔知我叫咩名亦都唔知道我做邊間」

 

「如果我日後有咩事就一定係佢做㗎啦，因為我無同人有結怨，如果盎事一定係佢做無第二個」

 

「我啲朋友仲有公司同事…都有呢張相㗎啦！…」

 

「放心唔使擔心我，相信佢驚過我，因為已經拉咗，同埋CCTV影晒，亦都有好多人證。」

 

「啲差佬嚟嘅時候，佢就叫啲差佬畀次機會，佢話以後都唔喺呢度偷嘢。」

 

「本身佢有個同伴係個男人嚟嘅，但係嗰個男人走咗留低咗佢。」

 

「今日係我一個人捉佢，我仲壓住佢落地下…撳到佢實一實」

 

涉嫌偷竊的女子在東涌一個大型商場犯案後，原被店內一名售貨員捉住，但女竊匪掙脫，最後被一名女途人在扶手電梯下面攔截，並成功捉實。

 

「佢衰到仲要大聲講話我打佢…」

 

「佢之後又大嗌非禮…我係女人嚟㗎，我點非禮你呀」

 

「跟住我話你係賊嚟㗎，你唔好咁大聲…」

 

「本身畀人捉住……但係無人幫……」

 

「……我就喺下面捉住佢……」

 

「……佢金蟬脫殼，所以無著衫。」

 

「結果啲男保安唔敢掂佢，所以就由我嚟。」

 

網民指出，女竊匪向警察求情時，「佢話以後都唔喺呢度偷嘢」，這句說話已暗示她慣犯。

 

而且，「佢仲預告會去第二個場偷，只係唔係呢個場偷。」

 

網民：「佢（女竊匪）咁講，係咪代表佢會去另一個場到犯案？」

 

網民又指，女竊匪相當狡猾，詭計多多，又脫衣喊非禮，又以斬人來恐嚇女事主。

 

最後見到警員，又施展軟功，不過結果都不奏效。

 

網民紛紛批評竊匪向女途人作「斬人預告」，「告埋佢恐嚇！」

 

網民讚揚女事主見義勇為：「唔使怕，警察一定可以保護你！」

 

事發在東涌一個大型商場。(資料圖片)

 

 

詳情瀏覽：東涌低胸喱士艷匪發「斬人預告」 商場偷竊被擒狂兇人 細思極恐對話曝光

—-