元朗石塘村鐵皮屋起火救句鐘仍未熄 村民逃生「第一件事救咗我啲貓先」

元朗坳頭石塘村，今（21日）早上9時43分，蓮華寺附近一間鐵皮屋突告起火焚燒，消防接獲多個報案到場，出動一喉一煙帽隊撲救，逾句鐘仍未救熄。其間4戶11名村民疏散到安全位置，有村民逃生不忘6隻愛貓，在警員協助下，用貓籠載住貓咪悉數救出，安全無恙。有90歲伯伯行動不便要坐輪椅，同住女親友與村民合力將他推到安全位置。

住在起火鐵皮屋隔鄰的彭女士，與90歲汪伯伯同住，火警發生時，她看到鐵皮屋起火，「火好猛，好大煙，啲人話火燭呀，我嗱嗱聲推佢（汪伯伯）出嚟先。」她又指未知其村屋有否受火警波及。

而養有6頭貓的李小姐則表示，她住在火場附近的村屋，「我都唔知咩事，我哋噚晚好晏先瞓覺，今朝聽到有人敲門，話fire fire(火警)，咁第一件事救咗我啲貓先，我有6隻貓，警察好helpful，好感激佢哋幫手（搬貓），我有一隻貓，佢就好驚，走咗去梳化後面，但係（警察)幫手救埋我啲貓，我都好appreciate(欣賞)消防同警察嘅工作。」

—