假日司機再現！西環四驅車逆線行車兼掉頭 網民：大地任我行

危險駕駛害己害人！再有「假日司機」逆線行駛，並在狹窄的車道掉頭，幾乎剷上行人路，險象環生，有關片段被人放上社交平台，引來網民熱議，質疑司機「點樣考個牌返嚟？」

今日（18日）網上流傳一段車cam片，片中所見一輛寶藍色的平治四驅車沿干諾道西行駛，惟至西環水街時竟逆線右轉駛入，令在場所有駕駛人士嘩聲四聲，不斷響號提醒，同時有途人上前阻止，「喂喂喂，紅燈嚟嫁喂！」，惟司機竟無視忠告繼續向前駛，僅經過其他車輛時在車內做出「耍冧」動作，未幾更在狹窄的車道掉頭，幾乎剷上行人路，險象環生。

四驅車司機的危險駕駛行為惹來網民狠批，又指假期特別多「假日司機」出沒，呼籲各位駕駛者或行人小心，「今日周末特別多呢啲人」、「其實行錯路都唔係最大問題，問題係佢好似掉頭都唔係好識咁」、「見慣啦，星期六日之日常」、「好明顯係假日司機」、「大地任我行」、「佢嗰車牌緊係淘寶淘返嚟」。

—