網民直擊｜巴士阿叔就口罩問題與防疫青年車廂爆粗激戰：係咪隻揪呀？

超過3年的新冠疫情，讓每名巿民仿如驚弓之鳥「罩不離口」，有時動輒就口罩有否戴好問題引發爭執。有巿民近日在社交平台上載一段巴士車廂內爭執的短片，片中一名青年疑因在車廂內沒有戴好口罩問題，雙方瘋狂爆粗互罵。

片一開首，只見阿叔身邊女伴解釋「只不過拉低咗（口罩）…佢呼吸系統有問題，你知唔知道？」然而青年並不領情，先向對方反唇相譏「我真係唔知，你唔講我點知」然後開始爆音大罵阿叔「做咩呀X老母呀？」阿叔隨即在座位上站立不甘示弱「X你老母咪X你老母咯，咩呀？」雙方開始互相激動爆粗，青年身邊少女亦加入罵戰，其間阿叔突然「撩交打」：「係咪想隻揪呀？」遭青年揶揄「你好X好打呀？」阿叔迅即反駁「點呀，係咪想吹雞？」

阿叔身邊女伴眼見事件一發不可收拾，即打圓場降溫「呢啲係好小問題，唔好擴大件事嚟搞，大家唔需要咁激動。」並力勸阿叔「坐低啦！」然而阿叔並不領情，仍然向青年挑釁稱「我幾廿歲唔夠你打呀，我呢家同你落車一打一…唔緊要，我預咗死啦，我同你嘈得預咗死啦。」但青年未有真的動手，僅稱「你企唔穩啦，郁你？」雙方僵持一會後，阿叔亦縮沙稱「(如果打交)害到成車人落唔到車呀。」然後欲坐回原位息事寧人，影片隨即作結。

有網民看畢有關影片後，直言防疫措施早已放寬「中咗招都唔使上報啦，仲為咗個口罩打交？」、「香港生活真係好大壓力，後生仔又有精神病，老嘢又有精神病。」亦有人直言若最終演變成打交，結果兩敗俱傷。「兩個一齊落車，五五六六解決佢，世代之爭，一件廢老加一隻口罩L，最好廢老一拳打死咗，另一個就坐十幾碌。」