Juicy叮｜男子穿高跟鞋陪女友等車 網友驚問：咩事？

網上出現仿如《我的野蠻女友》情節，男方似乎是被女朋友責令當眾穿上高跟鞋等車作大懲罰，細看方知原來是愛呀，相中的台灣女子找到了「一個為你甘去蹈火海的人」，網民艷羡地催促「嫁得過」。

現場情況及網民回應請點擊組圖瀏覽：

根據台灣的原帖，當地的網民在台北捷運古亭站目擊一對相信是情侶的男女候車，發現兩人竟交換了鞋子，女方腳下穿的是黑色皮鞋，男方則踩著一對白色高跟鞋，估計是因為「女友腳會痛」；另有目擊兩人的網友指，「在頂溪站有看到這兩個人，但那時候是女生光腳、手拿著高跟鞋，男生換回皮鞋。」

相片在網上由台灣傳至香港多個社交網站，本港網民除力讚男方為「暖男」和「男朋友真偉大」外，卻更多的關心那對高跟鞋，指「對高跟鞋唔使要了」、「睇嚟掉得」、「應該已經撐爛咗」，「買對拖鞋唔係好貴」。

「重點係企得咁穩陣」

其他網友則驚奇男方「著得落先係重點」、「重點係企得咁穩陣，應該訓練有素」。有細心的網民則留意到「你睇唔到佢腳踭冇套到入去鞋度，直接踩住個踭？」。

對於這種夾硬著高跟鞋的情況，有網民認為「老婆奴是這樣練成的」，而且「男方赤腳好過夾硬著高跟鞋啦」，還有人舊事重提，指「好多年前行太平山就見過一個女仔著男朋友對鞋，男嘅就赤腳走啊，仲幫個女仔挽住對高踭鞋」。

帖文來源：大埔 TAI PO