「入錶易」App再度死機 多名車主網上狂呻用唔到被扣錢

「入錶易」App再度死機，有不少車主於社交平台大呻未能遙距交易，甚至無故被扣錢，相當激氣。本網正就事件向運輸署查詢。

不少車主今日於fb群組「全港違例抄牌提示區」發文留言，指「入錶易」發生故障，其遙距交易功能未能正常使用，更有人表示無故被扣錢，即使致電相關服務熱線作了解，但一直未有人回覆，另外亦有人大吐苦水，指「入錶易」昨日已發生故障，「我喺兩個唔同車場都用唔到」、「頭先11點系統有問題，明明我在手機補咗半小時，結果顯示無，害我九條街跑落去入，結果實際咪錶有，Apps 無，吹脹」、「似乎好多受害者」、「今日啲錶扣錢時失靈多次，打電話去問冇人聽」、「轉頭又話超時，時間就照舊。昆咗我24蚊呀」、「個電話打到爛都無人聽」。

運輸署斥資逾3億元於去年推出智能咪錶，車主使用流動應用程式「入錶易」在現場及遙距繳費，但「入錶易」經常出現死機情況，未能遙距交易功能恢復正常。