Juicy叮｜餐蛋治打開餐肉縮水僅手指闊 食客：搵食艱難都無理由咁樣慳

百物騰貴下商家不加價就唯有縮水，網民在facebook群組「上水人大聯盟」上載圖片，可見一份平平無奇的餐蛋三文治懷疑被人偷工減料，引來網民熱議。

當事人今日在上水彩園邨一間麵包店購買了一份10元的三文治，外觀看上去頗正常，結果打開來看，三角形的方包僅僅邊緣位置有一塊午餐肉，闊度相當於一隻手指，難免有縮水之嫌。當事人大呻：「外觀與內在大對比，我知屋村小店搵食艱難。但都無理由咁樣慳嫁？」。

不過網民就有不同看法，有人指「塊蛋咁厚已經好有良心」、「算好足料啦」、「好難成塊三角形嘅」、「10蚊算多料啦ching」、「佢想你食小啲午餐肉，火腿呢啲多鈉食物。好有良心」、「其實蛋都一蚊隻，麵粉糖貴咗近80%，午餐肉不嬲都貴架啦。唔係佢份三文治小，係你嗰10蚊唔值錢。老店還老店，唔好成日用細個5蚊買10粒燒賣嘅思維去生活」。有人更上載另一張三文治圖片，午餐肉被切成比尾指略大的三角形，說「你個份算好嫁啦」。

有人就覺得，「真係有啲離譜」、「中伏過一次，没下次」、「細個我阿媽在此店買包比我做早餐，令我從此養成不吃早餐的習慣」。

圖片轉載自「上水人大聯盟」