慎入｜飲紅豆冰竟送「小強」 港女又屙又嘔：而家食嘢都有陰影

外出用膳時，大家要注意食物有否「加料」！有港女日前在連鎖食肆飲紅豆冰時，飲到最後竟發現有一隻曱甴混在紅豆內，非常噁心，其後更上吐下瀉患上腸胃炎，坦言自己今次是第一次食曱甴，令她以後外出食飯都有陰影。

有網民於Facebook群組「飲食邪惡情報」發文，指自己日前在將軍澳彩明邨一間大型連鎖食肆飲紅豆冰，當飲到最後準備「享受」紅豆時，竟然見到一隻曱甴，隨即崩潰，「間餐廳淨係退返嗰餐錢，同換另一個飯畀我，但我已經無胃口食」。

樓主更在飯後2個多小時內出現肚瀉及嘔吐的徵狀，需要看醫生，「我畀醫生睇隻曱甴，醫生都話咁誇張，醫生話腸胃炎要殺死曱甴啲菌，所以要食抗生素」，而她亦有就事件向食環署報告。

她指今次是人生第一次食曱甴，直言被「嚇死」，外出食飯都有陰影，「飲完杯嘢，連中午都唔敢食，我同醫生講食唔落嘢，醫生叫我暫時飲住奶先」，提醒眾人以後外出食飯都要睇清楚。

根據樓主提供的照片，該隻曱甴大約3厘米長，顏色亦與紅豆冰內的紅豆相近，細心觀察才會發現端倪。

不少網民都覺得太離譜，甚至有人表示「齋睇相已經好想嘔」，「隻曱甴好大隻」、「好恐怖」、「一定要報食環」、「陰影真係好大，我睇相都想嘔」。