Juicy叮｜港媽搭的士遺卡片盒 熱心的哥過海交還拒收報酬

不少人都試過因「大頭蝦」而遺留貴重物品於交通工具內。一名港媽於社交網發文指，乘坐的士時不慎將卡片盒遺留在車廂內。司機發現後立即致電通知她兒子的學校，更特意過海交回失物，拒絕收酬勞，其熱心的舉動令港媽非常感動，「司機多謝你」！    

該名港媽於facebook群組發文指，昨日（27日）於荔枝角乘坐的士往觀塘，不慎將卡片盒遺留在車廂內。的士司機拾獲後，「打咗去我小朋友嘅學校，叫學校通知我拎返」，並特意過海到學校附近交回卡片盒。

樓主續指，司機甫見面即提醒，「乜咁大頭蝦㗎，下次小心啲」。樓主亦隨即遞上500元以表謝意，「叔叔，麻煩哂你專登畀返我」，惟對方拒絕酬勞，「你袋返住啦，我唔係為咗錢先拎返畀你」、「我係擔心你無哂啲證件去邊度都麻煩」，此番窩心的言論令樓主非常感動，故特意發文感謝司機。

一眾網民紛紛留言讚揚司機，「司機叔叔，好人一生平安」、「千份之一好的士司機都畀你遇到」、「好好人嘅司機叔叔，值得表揚」；亦有網民表示社區仍有不少好人好事，「有啲係純幫人，不求回報，你（樓主）好彩，咁都撞到」、「感謝呢位司機哥哥令大家再次感受到人間有愛」！

資料來源：黃大仙區友(黃大仙，新蒲崗，鑽石山，慈雲山……)