人妻岑丽香连环贴婚照　开心Share幸福时刻　

岑丽香（香香）与Joshua（强强）拍拖年半，日前18号于温哥华浪漫完婚，两公婆劲甜蜜，人前人后都拖到实，又肉紧咀嘴晒恩爱。隔咗3日，香香似乎有时间整理大喜日子的照片，回味当日的甜蜜后，仲开心些牙靓相。

沉醉在新婚喜悦的强嫂一次过上载十多张婚照，又骚胸又骚靓脚，有靓人有靓景。一抛即接中花球的欣宜亦有被影低，原来佢除晒鞋成副战斗格，睇佢个样肉紧到呢！仲要得佢一个人接，争都唔够欣宜争啦吓话。

当中有一张婚宴的黑白相，强嫂与强强笑得好灿烂，而香香面上系流晒眼泪，呢啲就系喜极而泣，幸福的眼泪。