星8卦｜「叠叠」嫁错老公 揾到金主即离婚自救

阔太唔易做，尤其你嫁咗件老窦有啲米，但系又唔多长进嘅老公！好似「叠叠」咁，自细出嚟卖，唔觉得自己可以有个好人家上岸，点知好啱「公子」睇，追咗两年就话拉埋天窗。

细路女唔知咁多，以为「公子」屋企都有啲，但原来老爷系打工皇帝，阿仔都系靠老窦份人工生活，表面丰盛生活无问题，但嫁咗入门至知唔系想像中咁好环境。更唔好彩系佢生极都系女，老爷直情唔高兴，仅有嘅嘢都唔会过「叠叠」手。无耐仲要发现「公子」喺出面有第二个，原来好多女人同自己一样咁蠢，见佢靓仔又好似有啲家底，亦唔介意做第三者。

结果系「公子」连份工都无埋嘅时候，「叠叠」觉得一定要自救，所以主动提出离婚，「公子」都无本事，梗系唔阻挠。其实「叠叠」咁大胆系因为佢已经同「公子」一个老友达成协议，对方曾经喺结婚前提出过要照顾佢，喺最落魄时佢都即刻揾番呢个富三代开出包养条件，明码实价做男女朋友，当然唔可以俾啲细路知， 富三代个老婆亦同「叠叠」好好感情。而家仲系合约期，但纸包唔住火，人哋老婆知咗，仲话要出嚟数臭佢，要「叠叠」身败名裂呀！

相关文章：

星8卦｜「笑笑」「乐乐」为争仔出高价搞到反面 「俊俊」吊高卖怕得罪人

星8卦｜「标致」迫「阿叔」攞名份失败 转沟「西哥」玩激将法

星8卦｜「排骨」做戏当副业 提升知名度为方便揾老细赚真银

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow