MIRROR演唱会第14场彩蛋｜大谈Ianson 兄弟情 外婆相隔5年再捧场AK感触落泪 Ian窝心递纸巾

MIRROR于亚博举行的《MIRROR FEEL THE PASSION CONCERT TOUR 2024》已进入倒数阶段，昨晚(31日)举行的第14场彩蛋有「IANSON」Anson Kong(江𤒹生)和Ian(陈卓贤)，二人大谈兄弟情，而AK的婆婆亦有到场支持，当谈到婆婆记忆力渐差时，AK更一度感触哽咽。

二人在台上犹如情侣般的对答，非常搞笑。

 

Ian写过不少歌给AK，最后二人选唱《DWBF》。

 

二人的友情由《造星》开始就建立。

 

Ian甫出场时笑言：「呢个组合咁易估，都唔够好玩」AK表示：「我见好多人留言话想我哋两个一齐，有啲comment仲过分，叫我喺演唱会上撕开你件衫」AK 续指上一次Ian 的彩蛋与皮皮（ 陈瑞辉 Frankie ）拖晒手，令他有少少唔舒服，Ian 笑言：「你年纪都唔轻啦，走嚟呷醋。」

接着AK分享二人多年来的兄弟情：「好多人都知道我哋两个由《造星》开始就已经好friend，成日企埋一齐，之后开始有啲故仔写出嚟。」Ian即刻一脸好奇表示：「咩故仔呀？我冇睇过嘅。」AK续说：「𠮶阵时我哋多啲团job就多啲见面，到我哋出咗solo之后，各有各忙，少咗见面，大家就开始质疑佢哋两个系咪冇以前咁friend，佢哋系咪嗌交呢？」Ian笑说 : 「绝对唔使质疑，事实唔系真系咁friend 」AK 表示粉丝会猜测二人的感情觉得好搞笑，并搞Gag谓：「因为感情呢啲嘢系两个人嘅事。」Ian 即耍手拧头表示拒绝，场面搞笑。AK表示网民经常猜测12子之间的感情是无谓的想法：「多谢大家陪住我哋成长，见证我哋唔同嘅高低起跌，但我好想话俾大家知，我哋12个好开心，仍然可以五年之后一齐开演唱会，唱歌俾大家听。」

二人在台上犹如情侣般的对答，非常搞笑。

 

AK讲起婆婆就哽咽，Ian即搭膊头支持。

 

Ian跟AK性格完全不一样，但一样可以成为好朋友

 

AK透露他的婆婆和妈妈昨晚（ 31日）亦有到场支持，并感触表示：「我婆婆对上一次睇我表演，已经系MIRROR 五年前第一次系Star Hall开演唱会嘅时候，相隔左五年，婆婆开始年纪有大，记性唔系咁好，好开心婆婆可以见证呢个咁开心嘅时刻。」AK一度哽咽，Ian 即窝心去递上纸巾，AK又更大爆原来江妈妈好钟意Ian 。

只余下最后两场，很多镜粉都说舍不得。

 

Ian趁今日休息，走去打golf。

 

在二人介绍唱咩歌前，Ian 大数曾为AK写的歌曲：「写俾你只《Blue Monkey》唱得好爽，特登要揾晒全部女仔dancer，《蜗牛》听咗好多次，成日两个出嚟都蜗牛，《留一天与你喘息》又唱过。」最后，Ianson 合唱《DWBF》，其间二人又揽腰又搭膊头，尽显兄弟情。而今日是MIRROR休息日，Ian亦即时在网上post出打golf相，证明自己有趁今日放松心情去做运动，然后以最佳状态迎接最后两场。

 

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E