方中信换车速度惊人 出口术冧莫可欣： 最耐咪系我老婆，真系冇得换喇！

本身是「爱车之人」的方中信，曾几何时视赛车比赛为第二生命，连家中收藏了靓车，亦属于大马力级数，但自从做了爸爸之后，方中信割爱卖掉所有大马力电单车，以免发生意外！最近方中信接受周家怡《恨驾女神》访问，对于外界视他赛车手，他笑言：「梗系唔系啦，玩过下咁啦。」甚至自嘲变成「东莞李察基尔」！

【其他文章】：盘点10位「登六」男星！80年代靓仔打星走样暴瘦令人忧心 型佬仲有成身肌肉男人味浓

【点击睇方中信揸车型样】：

虽然早前有网民在上海捕获方中信，声称瘦到认唔出 「帅哥也老了」，不过今次现身节目，外形一如以往，佬味极浓。听到周家怡用李察基尔来介绍，方中信自嘲：「以前就东方，依家就东莞呀！」Cool爆的方中信一讲到车，随即变成「开笼雀」，周家怡问他拥有过多少部车时，他笑笑口称「唔记得」，但不讳言揸得最耐的一部车都只不过三年说：「最耐嘅咪系我老婆，真系冇得换喇。讲真，啲两个位嘅跑车，买𠮶阵时就夸啦啦，买咗返嚟蜜月期两个月就摆咗喺度。讲真我都冇乜地方去，冇理由揸𠮶啲车去买𩠌㗎？试过一次，我觉得好唔方便。」

他又称已经没有揸法拉利：「已经卖晒，因为学识咗放下呢个两个字，随住年纪，思维都会改，不过见到靓车个心仲会囉囉挛，但理智战胜咗心魔。」言谈间周家怡笑称他说话的声调「好正」，方中信淡然地说：「呢啲系天生㖞，有啲人话我个样好恶，但其实我对你都冇恶意，只系唔笑啫，唔笑你都要诈我型？唔得架嘛！如果你要闹我咁样，就要我爸爸妈妈讲，系佢哋生到我嘅样系咁，唔关我事㖞！我唯有讲多少少嘢，冚番啲人觉得我好恶嘅观感喇！」

曾经何时，方中信与周家怡是「跑友」，听到周家怡话自己有时会素颜揸车去飞鹅山跑步，但常被抄牌，方中信突然「冷面笑匠」上身，提她下次记得化妆：「我见咁多人著晒瑜伽裤去跑步，都系咁啦，唔通又惊醃亲大髀呀？都唔系讲车嘅节目，我唔知嚟仲乜？畀周家怡跣咗我一镬添！」