亚视台庆丨陈庭威终真现身！零滤镜下自夸「年年18岁」状态keep住冇乜点变
亚洲电视昨晚（6日）在大埔亚视总台举行《亚洲电视66周年台庆》，亚洲电视行政总裁徐小明率领董事局及管理层会见传媒，还有不少昔日熟悉的面孔，包括有陈启泰、柳影虹、李龙基、刘锡贤、江图、宫雪花，以及久违了的陈庭威！
【其他文章】：61岁前亚视一哥陈庭威身形fit爆 赤裸上身打拳晒川字腹肌令人惊叹
【点击睇亚视台庆现场相】：
61岁前亚视一哥陈庭威当年因为《胜者为王》系列而一炮而红，直到2004年拍完《8号巴士站站情》之后，离开亚视北上到内地发展，成立了个人文化传媒公司「威威世界」，几乎绝迹香港的娱乐。久未露面陈庭威今次激罕现身，在零滤镜下个样keep得好好，他坦言对亚视台庆有点感触：「我大部份时间喺外国多，好少喺香港，今次返嚟有啲开心同感触，见番好多好朋友，好似江图叔同刘锡贤，𠮶阵我喺亚视叫做第一男主角，收视同距离台有得挥！」
问到会否拍港剧，陈庭威笑说：「我哋都有倾吓，而家兴搞𠮶啲直播，所以有好多嘢都系倾紧，要睇吓自己嘅时间。」接着他除了太阳眼镜，自信心爆崩地说：「我状态就keep住，年年十八岁，冇乜点变，最紧要系开心每一天！人最紧要系身体健康、自由快乐就可以，呢几年我喺大马都有做生意。」感情方面，问到是否已婚？陈庭威说：「我仲系…自由身！你知以前系『地下情』，而家我都冇周围去讲，最近好高兴同家人一齐成日食饭，讲番啲以前嘅嘢，做人要活在当下，日日都要开心，我好享受而家嘅生活！」
行政总裁徐小明率领董事局及管理层会见传媒，徐小明哥盼透过台庆活动令外界更了解亚视未来动向：「其实压力都好大，因为大家都问有咩搞，其实我最主要目的就系激活亚视，因为一个电视台冇制作就好似虚壳咁，起初我地轻松啲，好似新闻、财经、玄学等等。今次『碌卡』叫咗好多朋友嚟帮手，晚宴都爆晒人数，多谢大家对亚视嘅情怀支持。嚟紧亚视都会参与一个基金，我哋希望培养到人才，揾到啲好剧本。」
徐小明哥又表示，现阶段亚视将制作另类的综艺节目，盼吸引更多观众点击：「一个媒体机构有新闻，可以尽到社会嘅责任，今次加强咗新闻嘅力量，我们已经成立《亚视国际新闻台》，由我们的艺人陈美涛、吴玥肜、罗卿娗伙拍马来西亚新闻团队，为观众提供最新的资讯。」
另一个「亚视一哥」陈启泰亦有出席台庆，表示再为亚视拍节目感兴奋：「头先我见大堂好多人，我以为自己好熟路想做『秘道』，点知封咗搞到要行5层楼梯。我而家为亚视拍汽车节目，最好可以带埋太太一齐拍，因为唔使跟团招呼都好啲啦！今次节目都好似监制咁，因为我哋呢啲老演员都会比好多意见嘅。」担任司仪的刘锡贤表示多年未现身录影厂，重回旧地感触良多：「我1988年加入亚视，咁多年都拍过好多节目，令观众留低深刻印象，真系好多谢亚视，希望今次小明哥带领亚视有新形象，令观众接受番我哋。」