独家 丨林作被炒踢波发泄顺返条气好笑容 裕美担心人身安全陪出入
林作在社交平台上载模仿荷李活广场杀人案疑凶的背心短裤加黑波鞋造型相，表示「放售疑犯同款波鞋」、「逃跑一流」，原意曲线叫大家正视社会上精神病患问题，但抽水抽著漒水，全城闹爆，指他冇同理心，甚至向林作任职的保诚保险公司投诉，虽然林作好快删post，但仍被保险公司以「价值观背道而驰」炒鱿。采访：娱乐组
据知，林作对被炒非常唔顺气，因为「抽水」并冇违返保险合约规条。他接受《星岛头条 》记者独家访问时气愤难平说：「我完全冇后悔做呢件事，因为作风同平时一模一样（抽水）。」他力斥遭公司无理解雇：「公司咁搬龙门系咪傻傻地？准则系边呀？我𠵱家可以做返律师，而且律师、法律我识大把，我唔怕㖞！成件事我愈睇愈好笑，我梗系保留一切法律追究权利啦，对我嚟讲非常好玩，你要记住：我唔系等钱使㗎！」并透露将举行团队大会商讨下一步对策。
林作愈讲愈不忿：「今日会同律师进一步睇返啲条文细节，呢刻答唔到有咩决定，但我理解，佢哋做法（解雇）令我哋（林作及律师）摸不著头脑，我哋深入睇吓可以争取到啲乜。」至于会否息事宁人，将来再合作返？他斩钉截铁说：「就算佢想，我都睇唔到有咩合作空间！ 至于会唔会围剿佢哋？就算我唔出手，我啲客人都会出声！」
对于阿妈王莉妮力撑，指屋企有楼收租，佢可以唔使做，问到系咪有阿妈全力做后盾冇后顾之忧？林作即说：「我老母梗系撑我啦，我认呀！呢件事我妈仲激过我呀，佢梗系会为我出头啦。」他又透露有好多保险公司高层揾佢洽谈。
球场踢波减压
由于事出突然，昨天他除按原定日程为ViuTV拍节目《生仔唔该考个牌 》外，就电话不离手商讨应变措施，直至傍晚才去波踢波发泄情绪。球场上林作稍为放松，略见有笑容。踼完波后，林作由裕美充当司机接载他回家继续开会，他打算今天跟保险下线员工开大会交代「身后事」。
裕美自称打得
「最佳女朋友」裕美坦言会跟林作风雨同路：「以前我都会提佢，但佢唔会听，既然个平台系佢，我迫佢唔到，更冇权干涉，事情发生咗就要面对，最担心佢安全问题，唔放心佢，我都几打得，最怕佢出街头耷耷睇电话有危险，所以呢排尽量陪住佢出入。」裕美更表示：「佢冇工开，现阶段我要更加努力工作，有乜事要互相照应。」
《星岛头条》APP经已推出最新版本，请立即更新，浏览更精彩内容：http://www.stheadline.com/