林盛斌爆杨受成唔去饮喜酒仍豪封6位数人情 吴若希出撒手锏避接新娘变态游戏

林盛斌（Bob）、麦美恩和糖妹主持的TVB节目《谈婚论嫁》今晚播出的一集，请来吴若希及陆浩明（6号）担任嘉宾。两位嘉宾分享出席婚宴最尴尬时刻，6号透露遇过婚礼主持搞错「长老」身份，他说：「个主持叫新郎嘅爸爸同新娘嘅妈妈上台合卺交杯，之后起哄叫佢哋两个咀嘴，但系老爷同外母咀㖞，呢单嘢好大镬！」

【点击睇杨受成送大礼】：

吴若希透露试过胡鸿钧一同出席婚礼：「新娘话好钟意听胡鸿钧唱歌，好钟意《化蝶》，但歌词第一句系『坟前没有花』，我喺度谂四大长老喺台下，如果我哋真系唱呢首歌，真系会好尴尬。」提到人情话题，已婚的吴若希透露最多收过5,000元人情，林盛斌即分享自己见过最豪的「人情」：「认识一位老板，杨受成先生，佢有一个好close嘅朋友结婚，但佢有事嚟唔到，佢系畀咗六位数字人情，嚟唔到都畀六位数㖞，真系好有型！」

陆浩明又表示接新娘环节最怕要体力劳动：「食嘢都冇所谓，最唔钟意玩体能嘢，已经唔够瞓，仲叫啲兄弟一齐做一字马，点搞呀？但有啲姊妹好固执，一定要你做到！」吴若希则分享见过最辛苦的游戏：「将个锁匙雪咗喺旧冰度，要你用身体唔同部位整溶佢。」反串做过兄弟的吴若希续分享「过关」撒手锏：「有一句说话好work，就系『吉时就嚟到喇，miss咗吉时就唔吉利』。」

英皇集团老板杨受成一向以出手阔绰著称，每次旗下艺人婚嫁都必定送上大礼。古巨基2014年迎娶拍拖多年的太太Lorraine，杨受成包办全数婚礼支出；钟欣潼（阿娇）2018年出嫁时，有如「嫁女」的杨受成亦包办酒席外，更送赠上海豪宅做嫁妆。前年汤怡嫁麦秋成，杨受成送上巨型龙凤鈪。去年吴浩康与郭思琳捧子成婚，杨受成也特别送上大利是给BB。