即時娛樂
2023-03-30 19:22:47
星8卦丨「朱女」嫩妻妒忌心重 管制「阿叔」与世界隔绝
娶个靓妻系咪人人羡慕？又靓又嫩就更加系人生胜利组？有时啲嘢又唔一定㗎！视乎个女人有几钟意你啦！
以「阿叔」为例，40几岁成家，之前同「姣精」都好多年，对方以为「阿叔」系不婚主义，搞得几年都唔想再蹉跎岁月，跟咗「大佬」做二奶，但起码唔愁生活。男人通常都系死喺啲后生女身上，「朱女」其实样样都普通，但胜在好命，出道好快就做主角，因为一次外景，「朱女」觉得「阿叔」够稳重，轻轻用下力就因为青春无敌将「阿叔」拿下，仲要唔驶半年就拉埋天窗，好多人都觉得匪夷所思。
其实婚后「阿叔」先知「朱女」妒忌心好重，本嚟北上大把财路，「朱女」全部唔畀接，话上面啲闲花野草好得人惊，所以要老公留港发展，最弊香港无job呢，男人最怕无志气，于是「朱女」豪气话等我养你，果然佢一个月做网红代言都有几十万，叫做够养起头家。
「朱女」系屋企都好霸道，唔可以畀老公喺自己面前消失多过5分钟，去厕所唔准带电话，电话又唔畀set密码，有人打嚟就问长问短边个嚟㗎？出去食饭有乜嘢人？仲有大部分时间系跟埋去饭局，知道饭脚系边个之后，坐低唔够半个钟就话要返屋企凑仔，拉埋「阿叔」走，搞到佢尴尬非常。依家大家知道阿嫂超级烦，所以都唔敢再约「阿叔」，无朋友无嘢做嘅男人，系咪会为一个好爱自己嘅女人忍成世？大家放长双眼睇下点！
【相关文章】：
星8卦丨「家姐」姣媾裙脚仔连生两个得米 避开「势利老窦」自保
星8卦丨「男歌手」食仔被老婆发现离婚 放纵继续男女通杀专搞助手