东张西望丨13岁女童泪崩哭诉遭男同学强吻「个嘢掂到下面」 校方冷待兼报警赶走家长

TVB《东张西望》今日（25日）报道一宗13岁女童在天水围校园惨遭男同学非礼案件，而且事发已经不只一次，男同学会拉扯受害女童入厕所，从后揽住她，更指下体「掂到后面」；女童情绪崩溃向家长哭诉，其后家长报案处理，不过之后校方却反指家长「恐吓」，更不断催促女童学返学。

【点击睇13岁女童校园遭非礼案】：

身为泰国人的潘太接受《东张》访问，透露揭发事件的经过：「我个女放学时，谂住去7楼揾老师攞功课，有个男同学跟住佢，点知个男仔从后揽住佢，想拉佢入洗手间，一直扯佢只手，佢一脚踢个男仔想开佢，跟住一直跑想离开。」后来受害女童见到社工，不过因为怕丑、感到害怕而未有向社工透露事件；当社工一走开，男同学继续紧跟受害女童。当女童跑到校门，见到其他家长，即扮见到妈妈大叫：「妈妈，我喺呢度。」男同学亦立刻闪走。

受害女童立刻跑回家，当潘太一打开门，受害女童立即情绪崩溃，当时刚巧潘太拿着手机，于是录下与女儿的对话内容，女童在录音中痛哭，当潘太问她：「佢捉住你只手？」女童崩溃大叫：「系啊！佢捉住我！佢谂住拉我去第二个地方！」更透露男同学揽她揽了很久：「佢成日都咁做！」潘太表示：「佢（女儿）话男同学揽住佢条腰，个嘢（意指下体）掂到佢后面，佢觉得好惊。」

潘生与潘太立刻决定报警，案件交由CID跟进，录口借时父母则在另一间房透过视象观察整个过程，潘先生表示：「听我个女讲𠮶事，原来唔只今次咁严重，之前都有几次，一系楼梯一系厕所，同一个男学生。」男同学还会扮亲吻受害女童、摸她的屁股。潘太形容：「佢一唔小心，个男同学就会趁机想搞佢。」而且怀疑非礼行为在去年5月已经发生，父母对此都感到相当痛心。

后来潘生潘太到女儿就读的学校，打算通知校方已经报警，岂料却反而被校方赶走，潘太说：「有个男老师同哋讲，校长唔得闲，要等等。20分钟后，就见到有警察系学校前面同校长倾偈，个警察即刻闹我哋：『你两个喺度做乜嘢啊！你哋返嚟学校做咩啊？走啦！仲唔走？』」当时潘太感到非常害怕，在离开前向警察说：「我哋只系同校长讲声，如果你哋唔满意，我哋走囉。」回到家中，潘太已接到警方电话：「佢闹我哋，话我哋扮警察恐吓学校。我哋就话『点扮啊？我只系通知校长，校方都知道我哋系家长。』佢叫我哋唔使再揾，跟住会去学校。」潘生潘太对于被警方驱赶、遭误解为「恐吓」，至今仍感到相当不解。相隔4个月，潘先生再向CID了解案件进展，对方表示「转头答你」，最后又再不了了之。

案件发生后，受害女童一直未有再返学，只以网课模式上堂，潘生表示：「（校方）系咁打电话畀我，揾个社工不停叫我个女返学，但个男同学仲返梗学，学校又冇处理佢。试过一次带佢（女儿）返学，去到学校门口都话要走，之后断断续续收到学校电话，可以话系骚扰。」去年底校方更发出严重缺课通知书，指女童在没有特别理由情况下，有机会会留班。潘生收到通知书感到好火滚：「你明知CID仲查梗，唔知进展点，学校系咁迫我个女返学，我可以做到啲咩呢？」《东张》明晚将会继续播出个案，并会与校方进行交涉。