Marf到首尔出活动兴奋跟李敏镐宋慧乔同场 希望同朴宝剑合作激赞好Cute
香港女团COLLAR各成员工作浪接浪，继许轶与王家晴日前飞抵韩国首尔拍摄旅游节目后，邱彦筒(Marf)最近亦获时尚品牌FENDI邀请，庆祝品牌在首尔首间旗舰店PALAZZO FENDI SEOUL隆重开幕，昨晚Marf与吴家忻到韩国东大门设计广场出席派对活动，同场还有韩国艺人李敏镐、宋慧乔、安俞真、金多美及Zico等，曾是韩剧迷的Marf表示未出发先兴奋，笑言此行感觉梦幻。
首次出埠参与时尚品牌活动的Marf，透露出发前一晚兴奋致彻夜难眠：「好紧张，好惊带漏嘢！实在太惊喜，始终第一次出埠进行呢类活动，好感恩所有嘢都安排好齐全，团队亦对我照顾周到。」Marf亦透露为了今次旅程，事前做足准备，重温了过往曾经有兴趣的韩文。
此行最叫Marf感兴奋，莫过于跟一众韩国艺人同场，曾是韩剧迷的她大叫感觉梦幻，Marf表示：「以前好钟意睇韩剧，呢一两年少睇咗，不过现场韩国演员演嘅作品，我都有追过；能够见到佢哋，感觉好特别，因为韩剧对于我同好多人嚟讲，都系好梦幻世界，能亲眼见到佢哋，感觉好似好唔真实咁，但同时又真实得好紧要。」而芸芸韩国艺人当中，Marf表示最希望跟朴宝剑合作，她说：「留意咗佢好耐，由佢做模特儿工作、唱歌演出、跳舞演出、剧集，全部都有睇，以前我好钟意佢，知道佢工作态度好有礼貌，好有风度、专业，好值得学习，希望首先可以同佢拍戏，然后同佢一齐影相，跟住再同佢一齐唱歌跳舞，虽然跳舞唔系佢主线，但佢跳舞好得意。」
此外，提到两位队友Day与Candy亦同在韩国工作，问到Marf可有抽时间探望对方？Marf透露今次行程中，她除了有争取时间品尝韩国美食，亦有去探班与Day、Candy见面，Marf透露：「难得大家出埠都喺同一个地方，要睇吓佢哋过成点，尤其特别担心Candy，佢第一次自己出埠，所以探吓佢哋，一齐食消夜。」