袁文杰自爆曾被强迫向谢雪心女儿公开认爱：𠮶一刻我又唔讲得粗口

现年54岁的袁文杰于1990年入读TVB第四期艺员训练班，不过毕业后并没有加入TVB，有一段时间走去做模特儿，曾参演电影《家有囍事》中「家明」一角，签约亚视后凭著高大英俊而获得「亚视型男」之称，一度受亚视重用，除担演剧集主角外，亦曾尝试主唱剧集歌曲、担任多个大型综合节目主持。昨日袁文杰为好友李婉华的YouTube频道做嘉宾，同场还有昔日亚视好友杜挺豪和林子博，他们大谈在亚视年代的开心事，言谈间袁文杰自爆曾被亚视女星夹硬迫认绯闻，幸好得李婉华帮手解围！而这位亚视女星，正是谢雪心的女儿珈颍。

 【点击睇袁文杰同谢雪心女儿合照】：

2001年袁文杰和李婉华曾在《亲子情未了》合作，其后公司举行记者会，期间发生一件令他相当难忘的事：「当时公司喺后生嘅就用咗最老土嘅宣传招数，就系玩情侣档，当时有个同事叫珈颍，即系谢雪心心姐个女，记者会完咗之后，记者就追问呢啲所谓绯闻嘅事，多得公关大员帮我哋造新闻，记者会完咗之后，啲记者不断问我，我又硬晒軚兼面都红埋：『系咪啫？系咪追人啫？点样啫？』难得在我旁边个珈颍，竟然含羞答答笑住咁望番住我，记者一路问，佢一路望系咁望住我，好似感觉系：『你表态啦！你表态啦！』大佬，我表咩态啫？夹之嘛，我心系咁谂，但𠮶一刻我又唔讲得粗口，又唔知点好，𠮶个状态真系好困境。」

袁文杰幸好贵为女主角的李婉华突然间出现，义无反顾地坐在两人中间打圆场：「𠮶阵时真系落唔到台，班记者直情话我：『女仔都认咗，乜你咁冇风度呀，你唔认呀？咁样咁样』，我份人直肠直肚，超，认咩？系就系，唔系就唔系，如果我好大声话唔系，又怕Hurt到旁边𠮶个，真系唔知点处理！」

同场的杜挺豪突然又爆有相同的事件发生在他的身上，女主角亦都是珈颍：「我都有坛嘢，返内地拍嘢，影我下半身要湿身，见到下面现咗形，记者问我系咪见到珈颍所以小杜杜有反应呀？我否认，不过最后出咗新闻：『杜挺豪望住珈颍有反应！』珈颍当时又系含羞答答咁望住我，做乜嘢呀？」