傻姑陈安莹娃娃脸保养得宜客串剧集劲惊喜 背景超猛「黄飞鸿」都系佢契爷
陈湛文担正演出的ViuTV新剧《杀手废J》已经于周一（6日）首播，首集播出已经有惊喜，今次找来有一段时间未有剧集出街的资深演员陈安莹客串演出，故事提到她揾陈湛文杀人，完成任务后，陈湛文上门收钱，但陈安莹欲「走数」兼寸爆说：「我话之你啦！总之我临尾问多你一次，你话咁多已经够，唔使再畀！」闹爆的陈湛文临走前开枪，打伤了陈安莹小腿！结果事后「杀手经理人」罗永昌杀到，要陈湛文向陈安莹道歉，最后又不欢而散！事后陈湛文在社交平台贴上两人的合照并说：「我能遇上安莹姐，对戏，坦白讲我觉得好有亲切感，因为细细个睇佢做戏时已经好钟意佢嘅能量，真人把声、用声都靓到不得了。」网民亦留言说：「好戏嘅，短短几句对白已表露无遗」、「傻姑系好戏嘅」、「今晚睇你两位呢场戏，唔知点解脑中浮现《买凶拍人》嘅feel」！
【点击睇陈安莹曾演出剧集的造型相】：
原来陈安莹是粤剧名伶邓碧云契姨甥女、关德兴契女，曾以丁艳作艺名成为粤剧童星，跟关德兴夫妇合演多出黄飞鸿系列电影，她曾经在访问上表示，自己凭实力加入TVB而并非靠人事关系，虽然妈妈是邓碧云妈妈的契女，从小到大都称呼邓碧云做「碧姨妈」，6、7岁时又跟关德兴上契，所以她老早就已认识一班大人物：「当时『碧姨妈』拍紧《季节》，离远见佢喺厂头，我就喺厂尾走，一路都冇人知我同佢嘅关系，过年过节去佢屋企，佢会同我阿妈讲『点解我眼尾睄到佢，佢就走咗嘅？』可能佢知道我唔想畀人知道我哋嘅关系。我由10几岁开始反叛，所以有咁嘅心理，因为我唔想靠人事，所有嘢都系靠自己打拼。喺我立场，我冇介意过演乜嘢角色，我觉得我系对工作尽责嘅人，我冇野心，如果我有野心，我就唔系而家嘅我，如果你𠮶1%发挥到光芒，就已经盖过𠮶99%。」
陈安莹先后演出超过100部剧集，从可爱的小妮子与刘德华、张国荣、梁朝伟合作，到变成妈妈、清洁阿婶甚至扫地工人，不过她一点不介意当丑角，反而因为太爱演戏，宁愿牺牲身形：「我娃娃脸同唔高，惟有食肥至适合有老公同小朋友，咁先有戏拍。我觉得无时无刻都要进步，做甘草都唔可以脱节，最重要唔好睇低自己。其实甘草唔易做，要记到对白同头脑清晰，观众畀我由年轻演到去甘草都值得骄傲。」
至于感情方面，原来她本身有一个拍拖超过40年的男友，她曾称本身性格热爱自由，所以没有结婚念头：「以前阿妈话黄大仙叫我30岁前唔好结婚，过咗30岁结乜鬼婚，结唔结冇所谓，唔觉得要畀咩嘢名份，活得开心先重要，而且我从冇想过生孩子，所以冇压力。我成日同男朋友讲，唔同我一齐，钟意咗第2个都冇所谓。有人煲汤、照顾佢，点解唔爱屋及乌？」