张致恒欠债连累老婆IG被轰炸追数兼数臭 雯雯发长文割席明言冇钱还
张致恒（Steven）2019年与粉丝老婆区燕雯（雯雯）奉子成婚后，负面新闻不断，曾被指「一脚踏五船」、借钱不遇。两人更多次闹婚变，雯雯多次公开批评老公不是，更怒插张致恒又癈又懒，不愿照顾3个儿子，言谈间更暗示将会做单亲妈妈。今日（7日）雯雯再次在IG发长文，明示收到不少讯息轰炸，当中内容更涉及追数、出轨等，不过雯雯似乎与张致恒画清界线，明示自己亦没线，即使老公出轨亦不会影到到她的生活或情绪。
【点击睇雯雯发长文】：
雯雯在IG限动能发表长文：「只会讲一次，亦不会私下回复所有，所以唔需要不段聂（轰）炸我。」之后她分几点敍述，首先提到老公的欠债问题：「1. 如果你揾我系想讲我老公，曾经问你借钱，而又未还钱嘅，好抱歉，我都冇钱。」似乎有不少张致恒的债主透过IG向雯雯追债。
之后雯雯提到似乎收到不少讯息批评张致恒为人，甚至大爆他出轨，不过雯雯坦言对她并无影响：「2. 如果你揾我系想讲我老公，佢系一个咩人，人格系点，有咩缺点，我谂我同佢认识咗10几年，结咗婚4年，都应该够了解。3. 如果你揾我系想讲，同过我老公有嘢又或者佢出轨，我谂我只可以答你，就算系事实，其实对我都冇乜影响，我相信目前嘅我唔会因为呢啲咁嘅嘢，而影响到我嘅生活，又或者情绪。再讲，我选择得同一个公众人物结婚，我谂好难勉（免）有好多个唔同嘅你哋出现揾我。」
雯雯最后总结谓：「最后，如果你哋任何一个想公开曝光一切，你哋即管可以做，不会影响到我。不过你哋公开，佢冇工作，一样不会有钱比（畀）你地，你哋话希望将所有嘅事实放喺我心里面，其实冇咁嘅必要，我选择得而家嘅路我就要自己去承受。」而雯雯亦表示即使她与张致恒有朝一日要离婚，亦与张致恒跟其他人的故事无关：「如果你哋嘅目的系想我哋离婚，我谂我可以同你讲我已经有我嘅路行，若果我真系要离婚，我谂我可以有好多原因，但系一定唔会系因为一个又一个嘅你地嘅故事。」