Ian陈卓贤 新歌《再见 宁静海》草率配英文拼音 黄伟文睇唔过眼免费赐名

陈卓贤（Ian）早前推出今年首支派台歌《再见 宁静海》，他包办作曲、监制及主唱，更首度与黄伟文（Wyman）合作。近年，不少广东歌都会配上一个英文名，方便输入不同的音乐平台，不过唱片公司 就将Ian 的新歌简单地配上英文拼音《Zai Jian Ning Jing Hai》，Wyman 似乎睇唔过眼，贴长文表示其实自己填词会包埋免费改英文名服务，并立即为《再见 宁静海》歌曲提供了一个英文名《Vale , Mare Tranquillitatis》(即系「Farewell, Sea of ​​Tranquility」的拉丁原名，相当有意思。

Wyman 贴文表示好多唱片公司都唔知道揾黄伟文填词，系包埋改英文名，他指：「虽然呢啲英文名市民大众其实可能都未必留意到接触到，但我哋呢啲对作品每个细节都有要求嘅人，就会觉得如果个歌名纯粹变成一堆拼音，始终好似唔够艺术又或者唔够用心咁，所以如果唱片公司打嚟叫我改埋个英文名，我系一定冇托手踭嘅。」他更坦言作为一个钟意文字的人，甚至觉得几好玩。

Wyman 又贴出了一张音乐平台以英文歌名显示上榜歌的照片，原来相中头三个MC（张天赋)及Dear Jane 的英文歌名都是由Wyman亲自改的，他更逐一解读歌名，并立即为Ian 歌曲赐上英文歌名，他表示：「如果俾我改，《宁静海》我会叫做 「 Vale , Mare Tranquillitatis 」(即系「Farewell, Sea of ​​Tranquility」嘅拉丁原名」。

最后，Wyman 表示这次贴文是温柔及善意的提醒，并笑言：「希望唔好传传吓或者被其他媒体报道咗出嚟变成『Wyman暗寸唱片公司求乸其』」网民都纷纷留言表示：「有你改个英文名，即刻升华番首歌嘅层次」、「有你赐名即刻高级左」、「之前都提过公司，毫无改善，公司要X先做嘢㗎！」