毒舌大状｜82岁林小湛不言休将参演杜琪峯新戏：一直做到100岁

栢天男（Adam）、林小湛、郭秀云、苑琼丹及江芷妮等今晚（30日）到圆方出席《毒舌大状》演艺贵宾特别场。Adam 指最近除了忙谢票外，亦专诚来捧戏中外母小湛姐场，对于《毒舌大状》上映10日票房已破5,500万，他指剧本写得好之余，亦非常感激香港观众支持，虽然Adam在戏中饰演大反派，但他就谓做演员不要理角色好或坏，只要投入去做就好。

提到若票房再高会否有表示，栢天男指开Live时会尽量满足观众，问到会否穿泳裤，他笑说：「呢个好似阿Dee（何启华），佢话着泳裤，（会唔会骚肌？）Live时有要求的话，到时再睇吓，其实开心嘅，10日内去到5,500万好犀利，而且口碑好好，不过都仲好需要大家支持。」林小湛则透露明天将会飞往加拿大一个月探家人：「3年冇返去，好挂住佢哋，今次系我个仔同女买机票。」小湛姐指返港后会开拍杜琪峯的新戏及接拍两部大陆电影，问到现年82岁的她会否觉得太忙？她想也不想就说：「唔会，越忙越好，冇嘢拍就觉得好攰，（家人有没有投诉？）佢哋好支持我，2019年我喺加拿大攞咗最佳女配角，当时我79岁，啲人问我几时退休，我就话我会一直做戏做到100岁。」Adam指今次在小湛姐身上学到了做甚么也好，做演员最需要的是礼貌和品格。

【点击睇《毒舌大状》特别场靓相】：

吴若希（Jinny）与老公何兆鸿（Alex）亦有现身特别场，Jinny到场后即表示今日是老公37岁生日正日，所以带对方来见世面，又笑言最重要是免费：「佢本身都好想睇呢套戏，由过年讲到今日，终于可以实现佢嘅生日愿望。」Jinny指因小朋友証件问题，故新年留在香港度过，但亦兴奋地指年初三到了澳门工作，为今年开了一个好的头：「好开心，久违嘅一个出埠工作，同埋再去澳门嘅感觉好奇妙，觉得好似所有嘢都变咗，但个气氛好彩仲喺度。」

问到Jinny兔年是否想生多个？她听后即耍手兼拧头说：「唔好啦，千祈唔好生多个，我今年一定要好专心工作，因为我睇完师傅，师傅话我今年工作上系会几好，同埋系可以发达嘅！」她透露昨日已收到消息，落实稍后将会到美国洛杉矶开演唱会，之后就预计会到大陆举行巡回，再加上早前拍的剧集又会出街，故今年将会是她工作上非常好的一年，至于是否因这个原因而暂时不想生小朋友，Jinny说：「唔系唔生住，系呢一世都唔想再生，两个够晒数！」