独家丨周柏豪教连诗雅做好老婆:要戒幼稚 单身郑融好想结婚生两个B

周柏豪率「种星堂」艺人连诗雅(Shiga)、郑融、梁诺妍、黎纪君、钟浠文、陈颖妮、黄祖贻、钟嘉骏及吴若希胞弟吴梓枫向《头条日报》读者拜年，望新一年身体健康。柏豪更以大前辈身份赠师弟妹几句，除起哄叫梁诺妍生个兔B外，更「醒」准陈太Shiga做好老婆要点。采访：方骞平 摄影：谭志光 发型：kate@ hairculture 服装：yanyanknits, charles and keith(黎纪君) self portrait @stylecarousel (连诗雅) 场地：富豪香港酒店

周柏豪教连诗雅做「人妻」秘笈，首先要戒幼稚。

 

「种星堂」艺人齐贺年，希望兔年大家都揾到钱，身体健康。

 

陈颖妮(左起)、钟嘉骏、黄祖贻、黎纪君、钟浠文新一年想多做运动，保持正能量。

 

吴若希胞弟吴梓枫(左起)、连诗雅、周柏豪、郑融、梁诺妍已为新一年定立目标。

 

梁诺妍跟老公洪永城有家庭计划，不论生仔定女定孖胎都会生多一次。。

 

连诗雅未有准备做陈太。

 

周柏豪逆市下揾到「开心价」。

 

郑融今年想有真桃花。

 

钟嘉骏要努力做运动。

 

黄祖贻想快啲除口罩见返个靓样。

 

陈颖妮望新年多啲工作。

 

黎纪君想学做蛋糕。

 

钟浠文想身体健康。

 

吴梓枫指胞姐吴若希系最大后盾。

 

去年周柏豪参与内地《声生不息》、《披荆斩棘》、《大湾仔的夜2》等共5个综艺节目，还有大量商演及广告等赚到猪茏入水，他坦言疫情下冇穿冇烂，仲赚到「开心价」非常幸福，更自爆好多朋友都有经济困难，他帮得就帮：「呢几年真系过得唔容易，边个人谂过飞机师会失业？就算我有朋友做医疗及医生都话唔掂，所以希望人人有工做，冇工开屋企人会冇嘢食，好彩𠵱家中港通关，世界都改变紧，要向好方面进发。」

跟张智霖、陈小春、谢天华、林晓峰及吴卓羲主内地节目《大湾仔的夜2》学会有综艺感。

 

周柏豪做内地综艺节目《披荆斩棘》学到好多新嘢，希望能将新元素加入自己音乐中。

 

柏豪内地星马开Show

曾连续两年夺无线「最受欢迎男歌星」的周柏豪，刚约满合作6年的星梦娱乐（TMG），最新广东歌《小船大海》及国语歌《敬老爸》交由经理人公司「种星堂」制作及发行，他解释因为想试新嘢：「𠵱家啲嘢要快，自己做有机会配合到变幻莫测嘅大时代趋势，而且想将内地学到嘅嘢放喺自己舞台，做到自己想做嘅音乐。」他更打算今年在内地及星马开个唱，但绝对唔会谂生多个B，亦斩钉截铁表示唔会出「意外」：「同太太Stephanie商量过，𠵱家一人抱一个，佢哋最有安全感，生多个嘅话，其中一个就会被忽略。」柏豪又起哄叫育有一女的梁诺妍生多个，女方笑说：「咁养多只宠物啦！」她表示跟老公洪永城有家庭计划，不论生仔定女定孖胎都会生多一次。

今年周柏豪会在内地及星马开个唱，香港个唱暂未有计划。

 

38岁周柏豪育有一子一女，但无意再追多个。

 

周柏豪最近推出广东歌《小船大海》及国语歌《敬老爸》，交由经理人公司「种星堂」制作及发行。

 

梁诺妍跑完马拉松后，随即跟洪永城加速开工造人。

 

Shiga做有童真陈太

4月准新娘Shiga对生儿育女抱顺其自然态度，因为婚后两天已经要开工，她认为结婚只系姓氏改变，仲坚持保持小朋友嘅童真，对此，周柏豪即提点她：「结咗婚同先生关系会唔同咗，婚后另外有一头家顾嘅嘢会多咗，你明唔明呀？睇嚟你仲未长大，仲系细路！」柏豪又以派利是做例子：「婚后会轰烈式派利是，朋友会带埋仔女嚟拜年，我普遍要派6位数利是。」Shiga听到吓了一跳，笑言明年要去避年。柏豪即否定她说法：「𠵱家有埋电子利是冇得走鸡！」Shiga自言有乜唔识，会向周柏豪及梁诺妍请教，周柏豪再认真提醒她：「夫妻间嗌交唔紧要，少少磨擦都OK，系一种沟通方式，要互相尊重。」他再三提醒Shiga要好好Enjoy一生人得一次的婚礼，因为当日好快会过去。另外，38岁的郑融希望今年有自家创作作品及个唱外，最重要可以揾到真桃花，然后组织家庭生两个B。

Shiga要Keep住靓body着婚纱，做美丽的娘子。

 

4月下嫁陈家乐嘅Shiga仲未识紧张。

 

 

郑融希望今年再开演唱会跟歌迷见面。

 

吴若希由细照顾吴梓枫到大，会全力支持他做幕前。