江美仪重提被雪藏事件坦认犯众憎 自揭与梁洛施原来有秘密关系
现年51的江美仪自1992年拍广告出道，从演30多年先后效力亚视和TVB，早前终凭台庆剧《下流上车族》荣膺视后，当时在台上哭成泪人的她坦言：「我以为我唔系亲生女唔会攞到呢个奖架！」曾表示「亚视人低人一等」的江美仪如今人气反弹，她日前接受《星光路上》访问时，大谈从演心路历程，其间更重提被公司雪藏的往事。
【点击睇江美仪访问相、梁洛施近照】：
节目中，江美仪重提2013年凭《冲上云霄II》夺最佳女配角后，因太气焰而犯众憎兼被雪藏一事，她说：「𠮶时入TVB冇耐就攞女配角，就觉得『我得架喇，呢啲嘢太简单，以前喺旧公司都系做呢啲嚸架啦』，而家睇番系有啲骄傲嘅气焰、几乞人憎嘅态度出咗嚟，当时我自己系唔知嘅，直至一啲事发生，我冇嘢做……」据悉，2017年剧集《亲亲我好妈》首播，首次担大旗的江美仪传拍摄时因不满剧本，趁戏剧制作总经理曾励珍（珍姐）放大假期间，越级向当时仍是助理总经理杜之克投诉珍姐下属《亲》剧监制关永忠，搞到停厂兼令关永忠「被辞职」，因而辣㷫珍姐，江美仪即时被雪。对此，江美仪忆述：「虽然当年《亲亲我好妈》收视好好，但我发放咗好多负能量畀其他同事，因为𠮶时觉得自己做女主角就一定攞到奖，但其实呢个世界唔系咁，亦唔可以咁样谂。」
近年信佛茹素的江美仪坦言，疫情间工作停滞令她反思不少，认为「一定要有正能量畀人」，故拍摄《下》时积极发放正能量，最终剧集赢尽收视和口碑，她续道：「喺呢行而家有嘢做已经好难得，仲要遇到咁好剧本、角色、团队，你仲想点呀？所以我同自己讲冇奖攞都赚咗，我从来都冇谂过自己可以攞女主角，反而个天就畀你。」提到得奖一刻，江美仪望向台下同样亚视出身的陈炜说：「我哋好争气呀！」原来骚前她与陈炜互相勉励时已眼湿湿，江美仪爆料：「喺厂外行红地毡时，我同陈炜讲无论今晚边个攞，我哋都争番啖气，根住我哋唔知点解好感动，喺出面喊呀。」二人识于微时，江美仪称见证对方默默向上爬绝对不容易，双方也互戥大家开心。
对于获看似「大缆扯唔埋」的梁洛施祝贺封后，江美仪即大爆二人由「网友」到学佛结缘的经过，她坦承跟梁洛施才相识不久：「之前访谈节目《单对单》拍摄我去打坐、修佛，有日喺社交平台收到梁洛施嘅私讯，佢好话好想跟我学佛，问我可唔可以带佢去，我即刻问人个Account系真定假，之后我就约佢见个面先。」此后，江美仪便带梁洛施去打坐及跑山，她又谓：「佢而家好犀利，全素唔食蒜唔食葱。」另外，江美仪还于访问中感谢伯乐郑则仕、刘松仁的教导，令她演技层次升华获益良多。