独家丨193清晨6点去自家首个Pop Up Store打卡 零眼肿椅上提字「3仔到此一游」

男团ERROR近排忙拍剧，又积极筹备本月中举行的演唱会，一向瓣数多多的193（郭嘉骏）亦然可以唧到时间出嚟搞自己品牌。

今个圣诞节，193主理的品牌LILABOC联乘尖沙咀某商场，首度开设Pop Up Store 。日前，193 在社交网贴出多张照片作宣传，其中一张合照，他以Emoji 遮了友人的样貌，并大卖关子：「今年请到神级嘉宾大驾光临」不少网民都留言表示觉得被遮样的是郑裕玲（Do姐)：「呢个企姿咁似Do 姐」、「我都估系Do 姐」等等。

193日前清晨现身尖沙咀商场，可能为免人多挤迫，兼引起混乱，所以选择6点到Pop Up Store打卡，虽然神咁早，但193都好精神，无话眼肿面肿，见他在椅子上签名，又写上「3仔到此一游」、「自肥可耻」等字句，相当搞笑，又揽着火柴人「3仔」合照，表情多多，非常鬼马。

 

 

 

 

 

 

 

 

 

 

 

 

 

 

Do 姐在社交网贴出照片，公开自己便是那位神秘嘉宾，并力撑193：「早排收到 @deniskwok193  嘅电话，得知佢个人品牌 @lilaboc.co 会举行首个大型展览，见佢咁比心机，一于嚟支持下。嚟到现场见到咁靓嘅场景，就真系知佢个品牌咩料，真系替佢高兴，继续加油！」