林敏骢成视帝大热称冇人通知佢：咩颁奖礼？坐低等嗌名？

林敏骢、郭柏妍（Rosita）、文凯婷等到将军澳电视城为《欢乐满东华2022》表演项目探班，Rosita表示将与「Daddy」林敏骢唱剧集歌，担心会失礼对方，可惜「妹妹」罗毓仪因忙拍剧未能一齐参与表演。

身为视帝大热的阿骢，问回电视城可会顺道为《万千星辉颁奖典礼2022》入围「最佳男主角」拉票？他说：「咩颁奖礼呀，无人通知我，坐低等嗌名？我都是睇报纸先知，我要知游戏规则先，踢世界杯都要知有冇越位，有冇得换人啦！我问细的答不到，大的又拧歪面。（问最大的曾志伟？）人间蒸发㖭呀！」

【点击睇靓相】：

讲到「视帝」人选不少人视阿骢为劲敌，他笑说：「劲咩敌？我拎到民选视帝已好开心，观众睇到唔知边场戏，就话直接颁个奖畀我，我都好开心啦！（通知你参加会不会到场？）随传随到呀？到时先谂。」问阿骢最近会否多了人联络他倾工作？他表示忙出NFT及准备演唱会：「咪睇下（Rosita）唱得好不好，不过我演唱会卖飞㗎。（想在哪个场地开骚？）等公布啦！」问入围多个奖项的Rosita可会想拎奖？她表示，想得「最佳剧集」，更问阿骢可会到场出席，阿骢闻言说：「你代我攞得啦，你攞饱去！」