恋讲嘢丨身材丰满成人直播主男友每周至少偷食一次 被家暴刀劈鏠9针先分到手

由「193」郭嘉骏、「浩南」郑伊琪、郭奕芯和谭凯伦主持的ViuTV两性清谈节目《晚吹：恋讲嘢》，日前播出的一集请来今年25岁「偷食专家」Erena分享经历。Erena透露在兰桂芳结识到当时男友，未正式拍拖前，男友找她去夜总会唱K，同行有其他男性外，更找了女陪酒：「我觉得好委屈，跟住走咗。」后来因为对方够「厚面皮」而交往：「佢厚面皮系咁揾我，我受唔到呢套。」

【点击睇偷食专家】：

193问到两人第一次就去夜总会，之后会否怕对方偷食，Erena直言：「如果佢愿意呃我，我觉得偷食唔系最大问题，但佢要讲（大话）得好啲，即使偷食都要听电话、覆讯息。」而对方每次都会自圆其说，令Erena心软继续交往，而且她指两人性爱方面非常合拍。

两人交往两年，同居一年半，对方一直出轨，更是至少每周一次，后来又因对方开始「呃得唔好」而分手：「佢直接闩电话，8点机收工就闩电话，唔覆讯息。」193听到后直说：「Erena要嘅好简单，作个故仔呃佢就好。」Erean即刻表示：「系啊！我就系要咁之嘛。」Erena认为对方要偷食就要付出：「要不停应我。」后来两人不时闹交，193笑问：「做场爱，就会好返？」Erena直言：「做爱之外，佢都会加啲嘢，例如我未有银行密码，佢之后会畀咗我。」后来有一次，她更发现男友偷食开房证据：「好贵，仲要5000蚊。我梗系嬲，我都冇住过！」

后来为报复对方，Erena亦去偷食，一年间约偷食四至六次，不过对方却毫无发发：「所以我好嬲！所以我话佢知，唔系即刻讲，系之后闹交𠮶阵讲。佢一开头都唔信，拎返出嚟畀佢睇（通话记录），我个心好唔忿气。」之后Erena更因此被家暴，不过两人继续交往，陷入家暴、开房、偷食的轮回，最后男友动刀而正式分手：「有一日佢𠝹咗我一刀，有一次佢以为我去偷食，其实我冇，佢拎住把刀，我话：『我有我一定认』，但佢都系唔信，之后唔小心割到，成手血，鏠咗9针。」