✕
即時娛樂
2022-11-02 00:54:17

「浸大E神」杨梓瑶撰千字文讲妈妈经 列24项小朋友「失礼行为」警世

𡃁模出身的杨焉（原名：杨梓瑶 Carol）多年前因为34E的导弹上围被封「浸大E神」，一度在写真界打响名堂，声势绝对不亚于娜姐周秀娜当年！不过她在2014年就已经退出娱圈转行做瑜伽导师，去年更正式升呢做人母。不过近日 Carol 就在个人社交平台感触发千字文，与网友大讲妈妈经，更提出24项「失礼行为」警剔自己不能让囝囝犯错！

相关阅读：浸大男神李坤潮夺「国际先生」第四名 靓女友拿灯牌接机Sweet爆曝光

【点击睇浸大Ｅ神近况及其对囝囝的禁忌】：

Carol以「你想你嘅小朋友将来成为咩人？」为题，写下千字文。

Carol表示，自己并不主张囝囝要入读名牌学校。

最紧要系开开心心，唔使刻意去追成绩。

仲列出咗24项「失礼行为」警剔自己和囝囝一定要避免！ ​

1) 细个唔识得叫人，要人提先识同人打招呼。

2) 直接呼喝工人名字。

3) 唔使讲thank you就算被迫讲thank you 都唔识望住讲。

4) 唔肯认错 全部要做第一。

5)输咗即刻嬲到控制唔到自己情绪。

6) 因为见惯长辈飞拖鞋 所以对宠物都非常无爱心。

7) 食餐饭好似做独角戏咁要全场attention。

8) 眼望住个电话 饭来张口。

9) 几岁仲要剪紧嘢食。

10) 边度都唔想去唔想郁 完全冇求知欲。

11) 净系挂住打机。

12) 同亲戚朋友聚会 饭𩠌唔啱钟意 自己另外再order。

13) 大个见工份CV求其写两行 喺度怨点解自己冇人请。

14) 见工大迟到 怪交通怪天气但又唔早啲出门口。

15) 临面试𠮶刻都唔知间公司嘅背景系做紧啲咩。

16) 少少头晕身㷫就话要请假唔返。

17) 又或者前一晚玩到high晒唔记得起身返工。

18) 请假话自己唔舒服 但又将行踪post晒出嚟。

19) 一句唔钟意就咁喺WhatsApp度讲佢唔想返工然后下落不明。

20) 少少挫折经唔起考验。

21) 怨天怨地 就系唔敢再嚟多次。

22) 唔知自己兴趣系咩。

23) 冇运动嘅习惯。

24) 冇去想了解自己系一个咩人嘅冲动。

Carol又表示，自己终于都明白做人父母有几大责任，好在自己并不孤单，另一半都很支持自己的想法：「爸爸妈妈都唔系一啲有成就嘅人，亦冇赚好多钱 做嘢有时都几辛苦，但我哋忠于己 做紧自己喜欢嘅职业，揾到一生嘅目标 希望你都可以」。