小方单身5年玩交友App冇人理 笑言绯闻「假到黐线」择偶条件得一个

ViuTV节目《晚吹-有酒今晚吹》今晚（26日）播出第124集，方力申（小方）担任嘉宾，与主持品尝威士忌。问到对绯闻的睇法，几杯下肚的小方自爆已单身5年，笑言大多绯闻都「假到黐线」。不过翻查资料，小方同拍拖10的邓丽欣于16年分手，数吓手指应该两人分手6年㖞，唔通同Stephy分手后有拍过散拖?

      
小方饮大两杯讲择偶。

小方同Stephy拍拖十年于16年分手。

小方同冯盈盈传过绯闻。

小方同陈滢绯闻传足两年。

今年初，传小方送狗公仔畀陈晓华示爱。

42岁的小方更被娟姐开玩笑指已过适婚年龄，令他意外发现原来年龄是其中一个结识不到女生的原因。小方自爆一直有玩交友Apps，但反应冷淡：「心谂点解无人like我嘅？原来因为佢哋无设定到对象系40岁以上，所以见我唔到。」

另外，讲到择偶条件，小方表示只有一个：「如果你喺我个脑入面，你就喺我心入面。如果我识一个人嘅时候，见到一样嘢就会谂起佢嘅话，就即系钟意佢。」问到会否介意另一半是外国人，小方笑言完全唔介意。

小方大呻玩交友App无人理。

小方饮大两杯好多嘢爆。

小方边饮威士忌边吹水。