独家丨旧爱何超云传结婚 王大业有拍拖3年Model女友服侍周到

已故赌王何鸿燊三房千金何超云，近日成为新闻人物，有传佢答应拍拖7个月，任职消防队长的圈外男友Douglas求婚，确实结婚日期尚未公布，而何家人亦一律封口未有回应。2010年曾跟超云拍拖，有皮草太子爷之称的王大业（Andy）仍活跃于名人界，跟曾拍戏的Model女友Louisa 拍拖3年，之前《头条日报》就影到女方陪男方试鞋，仲主动递上酒精搓手液畀男友，好体贴㖞。采访:娱乐组

回一回带先，2010年，何超云喺已成历史的珍宝海鲜舫筵开五席庆祝21岁生日，当夜仲拖住大佢九年的王大业现身，高调承认恋情，不过两人拍拖未够一年就分手，有传当年赌王觉得男方唔识做人而麻麻哋佢，所以超云最终将王大业降回朋友关系，野史嘅嘢真系信不信由你。

有传超云好事近。

当年超云开生日宴，带埋王大业现身公告恋情。

有传男方唔识做人而同超云分开。

女友好体贴
讲返王大业，同Model女友Louisa 拍拖3年相当稳定，从男方IG都偶然见到女友踪影，反而女方IG就极少见到Andy。日前晚上7时，两人到铜锣湾利园附近名店睇波鞋，见男方行匀全间舖逐对鞋拎上手睇，女友就坐埋一边，见男友试鞋又会畀意见，女友坐得耐又会企吓，Andy拣足一个钟拎住战利品离开，一出门口女友即递上酒精搓手液畀男友，然后再陪男友除口罩食烟，虽然眼神唔多钟意但无话诈型，呢啲女友可以做老婆啦。

王大业睇鞋都有问女友意见。

买完鞋再拖住手继续行街。

王大业系潮人，成个IG都系PO新款产品。

女方IG唔多见男友影踪，偶然喺STORY先见到一张。

做过Model摆甫士都唔同啲。