水原希子抛开被导演ME TOO阴霾 意大利疯狂玩水Sell自家三点式

今年初，日本演艺界掀起#MeToo运动，不断爆发性丑闻事件，当红Model及演员水原希子亦大爆，4年前拍摄半裸广告时，曾被多位男高层到场围观，令佢非常唔舒服。水原又曾喊住大爆圈中不少女星都曾遭受性搔扰，震惊各界。之后水原受访时就揭发，著名制片梅川治男曾于她拍摄Netflix电影《彼女》时，突然要求她露私处演出，令她大感不适兼气愤，因此决定勇敢站出来指证，希望可以改变行内风气及为同行女星发声。

水原唔怕被Cut Job，勇敢企出嚟的确好值得欣赏，同埋最重要水原Market好大，日本市场之余仲有韩国同美国，仲有自己品牌，推出嘅少女味三点式同妹仔衫及头饰都好受欢迎。7月尾，水原去咗美国纽约公干，之后抽时间去咗墨西哥旅游，然后再去LA，目前身处意大利，寓工作于四围玩，见佢去咗唔少著名景点，如罗马近郊的秘境怪兽公园  Parco dei Mostri，有靓海景又有靓天，著住自己品牌泳衣嘅水原疯狂影相，浸喺水又影，坐石头又影，沙滩奔跑又影，连踩单车都影，为卖广告都好出力。