头条戏场丨《杀手列车》超好睇劲暴力爆血动作喜剧

电影改编自伊坂幸太郎的日本悬疑推理小说《瓢虫》，由《杀神John Wick》系列监制兼《死侍2》导演 David Leitch执导。讲述地狱黑仔王杀手「瓢虫」(Brad Pitt饰)要登上列车执行任务，发现全车有6个杀手(计埋佢)，个个各怀鬼胎。一套睇到好忙嘅戏，我指对眼好忙，事关由头打到尾，又刀又剑又枪又炸弹又拳脚，超强爆血度，仲要好好笑，加埋出色配乐，烂番茄新鲜度得59%，我觉得唔使理佢囉。(刚上映)撰文:廖思慧

要乜有乜睇到好爽

导演表示执导此片最大的挑战是：「点样喺一个规范嘅空间（一列子弹火车内），拍出一部紧张刺激嘅动作电影？」所以一向创意澎湃嘅导演发挥小宇宙，高质展示杀手们点样喺子弹火车的餐卡内厮杀、在静音车厢中埋身肉搏、又喺狭小的洗手间内枪口对决。电影有大量动作场面，笑点亦非常多，剧情转折位一只手数唔晒，角色之间好似好关事但其实又唔太关事，虽然角色众多，但导演节奏上拿捏得好，理解力低嘅人都绝对睇得明。

特别赞好柑桔(Aaron Taylor-Johnson饰)，未见过有人做衰格嘢可以咁有型，客串巨星相当惊喜。

58岁的毕佬由头打到尾，戏中饰演地狱黑仔王，但其实最Lucky系佢。

因为有杀手唔舒服，有情绪问题嘅毕佬顶上。

佢哋系(左)柠檬(Brian Tyree Henry饰)同柑桔，负责搞笑，睇吓柑桔几有型。

毕佬同柑桔喺餐车打到黐线，睇到好肉紧。

半数杀手为咗呢个箱争餐死。

佢系王子，唔好俾佢个样呃倒，全片最坏。

杀手之一嘅黄蜂(Zazie Beetz饰)专长系变装，仲有特别嘅杀人武器，死状好恐怖。

真田广之饰演黑帮长老，出镜唔多但超有霸气，仲要有搞笑演出。

车外高速「飙过」的日本风景，由Lux Machina负责的超巨大LED显示屏加日本实地拍摄影像组合而成。

见到福原凯伦有个人海报以为佢戏份都几重，揾笨嘅。

星岛新闻集团庆回归25周年专题网站，请即浏览