即時娛樂
2022-07-06 04:41:57
细So久别1年9个月PO IG晒画功 苏太BBQ影羊过生日
细So（苏耀宗）2020年遭商台解雇后，以个人身份接工作，同年9月被踢爆背妻阿Wing（陈咏楠）偷食白滑KOL兼人妻练美施（Macy）两年半，辛苦建立多年的好老公及好爸爸形象尽毁，虽然最后获太太原谅，但因形象太差，细So在港应该唔会有运行，一家四口最后低调移居英国展开新生活。
偷食事件前，苏太IG有大量家庭照。
被爆偷食事件后，细So删除IG所有相片，深潜近一年。同时间，一直热衷玩IG的苏太亦完全停止更新。去年8月，细So再活跃社交网，在IG Story公开「My Daily Live」课金平台赚钱。苏太亦于本年初于IG Story上载早餐相，教你用三分钟整一个生酮早餐，之后久不久都有更新，但都系PO食物相。
细So在IG Story公开「My Daily Live」课金平台赚钱。
今早，细So IG终于有新Po，话晒久别1年9个月当然唔可以Hea Po，系一幅老人家手嘅画作片段，即由冇到有，画得好靓㗎。有网民问「You did that?」细So就回佢「Yes」。而苏太就上载咗段旅行片，唔知苏太去咗边，只知系一个有大片草地有羊有鸡有河嘅地方，苏太好开心拍晒片，仲吹住风BBQ，有虾有肠有粟米，都好鬼港式BBQ，又见到有小朋友身穿特制巨型吹气「球衣」玩互撞，唔知系咪细So两个囝囝呢？
睇苏太个PO，好多朋友祝佢生日快乐，估计此行细So揸车同一家人去玩顺便贺老婆生日。
细So久别1年9个月嘅Po系晒画功。
画功好细致。
真系靓㖞。
唔知有咩特别意思呢?
好好天。
环境非常靓。
从苏太拍出嚟嘅嘢可见佢好开心。
Lunch系BBQ。
有虾有串烧。
细路仔玩撞波波。
片段最尾有个Birthday Girl嘅牌。
星岛新闻集团庆回归25周年专题网站，请即浏览