盖鸣晖获李居明赞创造「盖腔」 曾扬威日本演出经典戏宝

粤剧名伶盖鸣晖（Joyce）日前接受香港开电视主播马梓轩专访，分享其主演的经典戏宝《蝶海情僧》即将重演，Joyce对此坦言感慨良多：「自从2011年开始同李居明大师合作，我好庆幸能够重复演出，而今次已经系第11度演出，自己系好兴奋而且好开心！而我哋嘅班底已经合作咗好多年，大家嘅默契相当好，希望再次演出嘅时候，能够更加升华，感情演绎方面更加细腻，刻骨铭心、扣人心弦！」

提到这部经典戏宝早年曾扬威日本，Joyce亦都充满回忆：「当时好开心亦都好难忘，因为我哋嘅粤剧从未试过去到日本演出，𠮶阵我哋做咗好多功课，做晒日文同英文字幕，希望佢哋可以一齐投入！我自己好欣赏日本人好友善好有礼貌，而且好尊重舞台艺术，佢哋真系鸦雀无声咁样睇晒成场，仲盛装着晒和服出席睇我哋演出，我哋当时好感动！」

Joyce的演出不但赢得观众掌声，李居明大师更盛赞她在剧中的唱腔已超越很多前辈，甚至创造了「盖腔」，Joyce则笑言：「唔敢当！因为我自己入行多年，自己选择行文场戏嘅路线，我将拍电视剧嘅经验放咗喺舞台上！因为舞台上我哋真系硬桥硬马，或者好夸张咁样讲对白，然后我就将佢融合左一齐，好似落咗柔顺剂咁样，所以参与呢部作品系令我学咗好多嘢！」
 

星岛新闻集团庆回归25周年专题网站，请即浏览