欣宜生酮饮食减磅只为红馆骚 自爆模仿JW搞到尴尬好火滚

郑欣宜日前接受《StarTalk》访问，大谈相隔四年再开红馆骚的感受，她说：「今次多咗时间准备自己，状态好，所以希望可以去到尽，冇底线！上次开骚断咗脚，好多嘢要就住就住，惊会整伤，今次冇呢啲忧虑，我会尽情投入，就算唔甩肺，都甩啲底裤啩！哈哈！」

谈到为个唱清减不少，但之前唱过不少如《你瘦够了吗？》、《女神》、《@princejoyce》及《丰乳肥臀》等歌曲，变相换来被攻击，欣宜说：「其实最肥、最瘦或者依家，我都钟意着靓衫，但好伤心冇我Size，而且减肥系为自己台上表演的状态，我做咗好多体能练习、打拳，所以自然会清减。另外我之前唱过的歌，讲过的所有嘢，我意思系It’s my body. I can do whatever I want. You can too. 就系咁简单，最紧要都系健康，同埋我完咗演唱会唔会再生酮，因为我真系好钟意食粥粉面饭！」

此外，欣宜遗憾因疫情未能亲身到加拿大见证好友邓小巧的婚礼，她分享一件与JW、许廷铿（Alfred）及林欣彤食饭的趣事：「Alfred叫我喺JW面前扮JW把声讲嘢，我扮完之后自己觉得好似，但JW话唔似，气氛好尴尬。点知几星期后，JW无啦啦Message我，话佢听返自己嘅Voice Message，觉得原来我扮得好似，你话我系咪火滚！搞到我好尴尬。」

更多新冠疫情资讯，请到以下专页浏览（按此）