头条独家丨陈汉娜更放胆表达自己 拍《香港秘密搜查官》打开心扉

陈汉娜（Hanna）向来给人cool cool哋感觉，最近在剧集《IT狗》搞笑一样掂，Hanna话其实跟角色一样外冷内热，加上今次拍档好合拍，好容易擦出火花。这次访问发现她明显变得健谈，她承认全靠去年首度挑战综艺节目《香港秘密搜查官》后，令她打开了心扉，更加放胆表达自己。采访：杜杜 摄影：沈健程

以往较少演喜剧的Hanna，今次演《IT狗》未有太大压力，因剧情及角色并非要刻意搞笑，反而跟一班演员当正剧一样演绎，会更有喜感。而她认为角色特质跟自己相似也有很大帮助，「因为角色又系𠮶啲平时cool cool哋，睇落去对好多嘢都好冷淡，可能导演觉得呢个特质系有啲似我。」

岑珈其最烦

Hanna本身跟凌文龙和岑珈其都认识，所以合作起来更好玩，而对于凌文龙和岑珈其接受《头条》访问时互指对方好烦，她就认为，「最烦应该系珈其，因为佢个角色好烦，佢又用佢𠮶啲特质放落去，仲烦，我哋一齐拍戏好开心，因为大家有好多群戏。而珈其会成日喺个end位度加戏畀自己，哈哈！会成日话不如我试吓讲多句呢个，明明剧本冇呢句嘢，我哋成日话佢又加戏，但系大家好开心，而小龙𠮶啲烦系对住珈其先烦，对住我好好嘅。」

讲到去年首次拍综艺《香港秘密搜查官》，Hanna坦言估不到Mike导会揾她，「我又唔系做开综艺，一睇个样就知我好闷唔啱佢哋节目，我又唔觉得带到欢乐畀人，好奇怪点解会揾我，但系我都有少少期待，好想了解吓呢个节目系做啲咩，但有时去到拍𠮶日先知道拍啲咩，初头其实好惊，但拍耐咗无形中多咗信任。」见Hanna变得健谈，她承认跟节目有关，「我开头拍节目好尴尬，因系真人骚，每刻都系拍紧嘢，所有时间佢哋都会攞住部机问你嘢，你要不断讲好多自己感受，变咗同佢哋咁样玩完，个人都open咗，我对住朋友都多嘢讲，但系会慢热，我有时做嘢见到陌生人，系会难啲去表达自己。」

立即下载 | 全新《星岛头条》APP :https://bit.ly/3yLrgYZ