谭嘉仪初入行搞歌迷聚会要问家人借钱 自认转唱快歌欠缺信心

谭嘉仪日前接受TVB娱乐新闻台节目《StarTalk》主播许文轩的访问，谈到最近一改歌路推出跳舞歌曲《Eyes On Me》，谭嘉仪直言没有跳舞底子，她说：「我只系喺出面学过几堂，为咗呢首歌日日返屋企练习，铺张瑜伽蓆对住块镜去跳舞，每晚两个钟头，先至慢慢改善，执返自己啲动作。」谈到录音过程，谭嘉仪更承认起初有点吃力：「平时唱慢歌多，第一日录音觉得自己好似唱儿歌咁！」幸好经监制指导后大有改善。

由比赛到现在，踏入第10个年头，谭嘉仪特别谢谢家人的支持：「家人嘅支持系最大动力，佢哋系同我同行，佢哋知我好钟意唱歌，完全冇俾压力我。自己唔系大富大贵人家，初初入行月薪大约得四位数字，起初订场地同搞fans聚会，都系屋企人资助我，佢哋真系精神上、金钱上同行动上都好支持我！」由于疫情，首个音乐会延期，谭嘉仪说：「要延期总有啲失望，但希望疫情快啲过，正面啲谂，依家变相多咗时间去准备，希望迟啲再搞嘅时候，会有更精彩嘅演出俾大家！」

立即下载 | 全新《星岛头条》APP : https://bit.ly/3yLrgYZ