江华落力带货卖珠宝 直播5个钟成交不足100单

江华息影多年曾经转行做保险，近年啪住老婆麦洁文开班教唱歌赚揾食，间中仲会登吓台唱歌，不过多年冇拍戏的江华似乎都冇戏瘾，事关早前古天乐旗下的天下一电影开拍电影版《寻秦记》，佢都拒绝演出，话觉得冇必要用同一个角色拍续集，直言唔知电影版想表达乜嘢！

咁唔拍戏又冇台登嘅日子，江华捞紧乜呢？之唔系同好多港星一样喺内地直播带货囉！日前江华在内地网上直播平台带货卖珠宝，足足卖咗5粒钟，江华都好落力几乎样样珠宝都戴上身试吓，最高峰有2000几人睇，不过成交嘅生意就连100单都冇，销情似乎有啲惨淡噃！

立即下载 | 全新《星岛头条》APP : https://bit.ly/3yLrgYZ