【头条独家】做节目惨被张秀文欺凌 林盛斌努力以曾志伟为目标

由林盛斌（Bob）及张秀文主持嘅TVB节目《你又估我唔到》会继续cosplay唔同嘅经典人物，透过片段向观众呈现日本冷知识。阿Bob公开「投诉」第二次和张秀文合作，秀文恃熟卖熟冇乜分寸：「有时佢会打我㗎！」在旁秀文竟解释说：「我以为佢好好打嘛，点知佢嗌痛…」讲到分寸，因为做记者会对住「姜蓉」讲咗句打佢嘅Bob应该都经一事长一智㗎嘞。采访：方骞平《你又估我唔到》因为节目调动而提早播出，林盛斌、张秀文好兴奋，除咗喺周一至五晚黄金时段出街外，节目仲有唔少演戏机会，令张秀文过足戏瘾，不论扮贞子、《东京大饭店》及《千年杀》中角色，她都相当投入，连阿Bob都大赞她做足功课，相当用心。深信吸引力法则
林盛斌表示透过节目可以睇到艺人真性情：「好似龚嘉欣咁，佢突然冲口而出爆句condom，真系估佢唔到！」节目中他和秀文会互寸，好有火花，阿Bob惟一系不满张秀文太入戏搞到冇乜分寸：「佢会喝我对稿，又用力打我个肚，好讨厌，真系要叫佢做『秀文姐』，第日介绍男仔畀佢，都要同个男仔讲清楚佢好恶同埋会打人！」秀文一脸不好意思：「咁我唔介意，要对方接受我真实一面。」林盛斌接住主持《开心大综艺》，成为「综艺王」，他坦言深信「吸引力法则」，定下嘅目标系曾志伟，希望将来有佢咁成功！问到系咪想做TVB高层？秀文抢答：「咁按照个演艺历程应该系㖞！」阿Bob笑说：「努力中，呢啲20年后先算！」至于多口得罪姜涛Fans，已在IG跟有关人士道歉嘅Bob话「多谢观众体谅。」