【头条独家】被插网红转拍TVB旅游节目 Ming仔避谈是非低调做事

网络红人Ming仔（梁嘉铭）首度为无线旅游节目《一个人去旅行》担任主持，有别以往自家制的YouTube短片，今趟旅程多了一班摄制队帮手，令他能够专注做好主持工作外，亦能深度畅游英伦三岛。Ming仔早前曾因「捐帛金」风波被网民围插，对此，他仅称适当的时候会再交代，目前会低调地做嘢。撰文：黎宝伦　摄影：张咏森Ming仔主持的《一个人去旅行》已于周一（2日）首播，一向有拍旅游短片放在YouTube的他，此趟首次深度游北爱尔兰、苏格兰和英格兰，为大家介绍当地美食、景点及新玩意，当中，他更初尝射箭、射飞碟、揸电动车等。谈到平时喜欢单拖出Trip，去年9月跟女友Debbie结婚的Ming仔，自爆夫妇俩至今仍无暇度蜜月，未知太太见到他经常周围去可有嬲呢？他笑谓：「间中都会畀说话我听，但人之常情，我都会买嘢番嚟𠱁吓佢嘅。」提臭史即封嘴
提到去年「捐帛金」风波，不少网民发起「罢睇Ming仔」行动，问可担心影响收视？Ming仔尴尬避谈：「唔讲喇，大家都冇兴趣了解，我留番适当嘅时候先讲啦。（担心讲多错多？）𠵱家社会好多事发生，我估大家唔会对一个咁小嘅风波有兴趣。」见他已少玩社交平台，问是否打算转型影视圈？Ming仔说：「我依然会玩社交平台，但呢段时间选择低调地做嘢先，近排都喺网络影片上做紧啲新尝试，学紧Animation、Programming。（工作量受影响？）我工作模式一向都唔会受外围影响，一系做Job，冇Job就自己拍片、剪片，所以点都有工作。」