专栏｜大阪打吡撑樱花客胜

国际赛期展开，好多都系外围赛或友谊赛，有啲球队选人以试阵或练兵为主，加上有唔少强弱悬殊嘅对碰，观赏价值唔太高。更何况球员踢完呢轮国际赛，好快要应付联赛战线，部分处于争标阶段嘅球员，好可能喺今轮国际赛留力，所以艾尔都可以有多啲时间叉下电，哈哈。

国际赛展开期间，日本国内同时亦踢紧联赛杯嘅分组赛，呢项杯赛只限日职同上届日乙头两名嘅球队参加，至今已经举行咗31年。今日其中一场联赛杯分组赛，就会上演大阪打吡战，大阪飞脚上季勉强留得低，今季人脚补充唔多，监督比耶托斯执教能力实在麻麻，艾尔对于呢队波无乜好感，飞脚开季五场联赛仲未开斋，后防失波问题都几严重，连埋上轮联赛杯，暂时场场都有失波。

对手大阪樱花今季起步都唔太顺利，直至上仗联赛先开斋，喺多蒙特成名嘅香川真司今季重返母会，仲有上季喺福冈黄蜂踢得出色嘅翼锋哥奥斯，阵容实力无大幅减弱。值得留意嘅系，樱花连续两届喺联赛杯决赛饮恨，球队无心争联赛冠军，相信会继续集中争联赛杯。另外，樱花近五次作客飞脚全胜，加上战意同实力占优，推介客胜。艾尔