世界杯2022｜专家分析:萄穷匕现屠狮祭旗

无乜几多人比祖云达斯球迷会更了解C朗拿度吸血鬼Debuff队友的作用，在对瑞士当日的短打文已说，若果葡萄牙收起C朗，就会现真身大炒瑞士，谂住三粒起跳、四球尽，但真系估唔到废朗Debuff个作用咁爆，开埋主其他囉！

葡萄牙几届大赛一直坐拥媲美法国的人脚，但就系一直被吸血鬼缠身而未能在一六欧洲称霸后再交出成绩。人就系咁贱格，系要去到穷途末路，先至逼出潜力。

马高一向非常睇好摩洛哥呢队北非「阿特拉斯雄狮」，费伦天拿防中苏夫恩岩拉伯特更系全意甲最强防中，曾以一己之力，战平如日方中嘅拿玻里中场。摩洛哥面对西班牙能百二分钟都保持一致地防线不失，一定唔止系西班牙差，更系摩洛哥强。可惜，H组的加纳、乌拉圭何尝唔系防守专家，咪又顶唔住葡萄牙？摩洛哥今场一对中坚都怕且唔出得，伤兵满营可如何？完了吧！如无意外。