世界杯2022｜专家分析:荷兰似足○六意大利

马高系三十几年意粉，但当年自己改个西人名Marco，实情源自当年荷兰神锋云巴士顿(Marco Van Basten)。荷兰同意大利从来都代表住两套南辕北辙嘅足球哲学，甚至可以用「全能足球」VS「十字联防」去概括。

到今天意大利以进攻足球称霸欧洲，以往人才辈出嘅后衞几近绝种；相反，荷兰近年嘅前锋得啖笑，反而出咗世一后衞华基尔云迪积克打防反。说明了有乜人脚就打乜嘢最实际，否则就如西班牙Tiki-Taka都演绎到Anti-football咁。

今届荷兰跟○六年意大利相似，前中后各一重心大将，非常清晰，迪比、法兰基迪庄、云迪积克等同当年王子托迪、派路、简拿华路；其余绿叶尽力配合，非常简约务实。教练云加尔嘲笑记者唔识足球，呢种简单嘅战术足球，其实系将有限的质素最有效化嘅艺术。另一边，阿根廷即使一路改变人脚阵容，亦只系换汤不换药，美斯系足球界嘅Bug啫，都未必救到世，双方防守都有问题，推介「入球2.5大」，期待一场互有攻守的赛事。　—马高